قايتا جاسالعان «استانا» الاڭى. فوتو: almaty.gov.kz

الماتىدا جاياۋ جۇرگىنشىگە باسىمدىق بەرۋ ءۇشىن قايتا جاسالعان «استانا» الاڭى اشىلدى، دەپ حابارلايدى الماتى قالاسى اكىمدىگىنىڭ ءباسپاسوز قىزمەتى. 

بەلگىلەنگەن مەرزىمىنەن بۇرىن اشىلعان «استانا» الاڭىندا قوزعالىس بولىكتەرىنىڭ جولاقتارى قىسقارعان، جۇرگىنشىلەر جولى كولىك لەگىنەن بوللارد ارقىلى بولىنگەن. بوساعان كەڭىستىكتەرگە ۆەلوجولدار جاسالعان، گرانيت تاستار توسەلگەن.ساتىلى ەسپلانادا جاڭارتىلعان، ولاردىڭ الدىنا ءتۇن مەزگىلىندە ەرەكشە جارىقپەن نۇرلاناتىن ەكى قۇرعاق فونتان ورناتىلعان.

كلاسسيكالىق ستيلدە جاسالعان جارىق كوزدەرى وتە ادەمى، الاڭعا ۋرنالار، شاعىن دۇكەندەر، اۆتورلىق كىشى ءپىشىندى ارحيتەكتۋرالىق فورمالار قويىلعان. الاڭنىڭ وڭتۇستىك جاعىنداعى تروتۋارعا تاس توسەلگەن جانە اباتتاندىرىلعان. قازان ايىندا مۇندا جالپاق جاپىراقتى جاسىل اللەيا پايدا بولادى.

اكىمدىكتىڭ مالىمەتىنشە، جۇرگىنشىگە باسىمدىق بەرۋ ءۇشىن كابانباي باتىر، پانفيلوۆ، جىبەك جولى جانە گوگول كوشەلەرىندەگى جۇمىستار ودان ءارى جالعاسىپ جاتىر.

ايتا كەتەيىك، الماتى قالاسىندا وسى جىلدىڭ كوكتەمىنەن بەرى جولداردى قايتا جوندەۋ جۇمىستارى ءجۇرىپ جاتىر. ءبىراز كوشەلەرگە وزگەرىستەر ەنىپ، ۆەلوجولدار سالىندى. الايدا بۇل كەيبىر قالا تۇرعىندارىنىڭ اشۋىن تۋعىزىپ وتىر. سەبەبى ولار "ۆەلوجودار سالىنىپ، تارىلعان جولاردا كەپتەلىس كوبەيەتىنىن" العا تارتادى.

“The Qazaq Times”