GaWC دەپ اتالاتىن الەمدەگى ءىرى قالالاردىڭ رەيتينگىندە الماتى قالاسى ەڭ تومەنگى كورسەتكىشكە يە بولدى. بۇل سوڭعى ءتورت جىلداعى ناتيجە.
2016 جىلعى ساراپتاما ناتيجەسىنە ءمان بەرسەك، قازاقستاندىق مەگاپوليس 220 قالا ەنگەن تىزىمدە سوڭعى ورىنعا تابان تىرەگەن جانە Sufficiency (جەتكىلىكتى) دەپ اتالاتىن توپقا ەنگەن. بۇل رەيتينگتىڭ ەڭ تومەنگى دارەجەسى. 2012 جانە 2016 جىلدار ارالىعىندا قالانىڭ رەيتينگى 100 ەسەگە تومەندەدى دەۋگە بولادى.
مىسالى 2012 جىلى الماتى 135 ورىندا جانە Beta- توبىندا بولدى. Gamma+ توبىنداعى رەسەيدىڭ سانكت-پەتەربۋرگ قالاسىنان بۇرىن تۇرعان. قازىرگى كەزدە رەسەيلىك قالا ءالى سول توپتىڭ تىزىمىندە.
رەيتينگ كوشباسشىلارى لوندون مەن نيۋ-يورك. سونداي-اق، ۇزدىك ناتيجەمەن العاشقى وندىققا سينگاپۋر، گونگكونگ، پاريج، بەيجىڭ، توكيو، دۋباي، شانحاي كىرگەن.
ال ەڭ تومەنگى كورسەتكىشتەگى وندىق تىزىمىنە الماتىمەن بىرگە لەستەر، سانا، فۋكۋوكا، گونولۋلۋ، كينشاسا، لومە، سالۆادور، گويانيا، اليگارح كىرەدى.
ايتا كەتەيىك، GaWC يندەكسى جاھاندانۋ بويىنشا قالالاردىڭ دامۋىن جانە وزگە قالالارمەن قاتىناسى قانداي ەكەنىن كورسەتەدى. قالالاردىڭ رەيتينگىن انىقتاۋدا حالىقارالىق بيزنەس، تۇراقتىلىق، قالا ساياساتى جانە لوگيستيكا سياقتى فاكتورلار نەگىزگە الىنادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى