بۇۇ بۋرۋندي بيلىگىن ايىپتادى

بۇۇ زەرتتەۋ توبى بۋرۋندي مەملەكەتىنىڭ بيلىگىن حالىققا كورسەتىلىپ جاتقان زورلىق-زومبىلىق ارەكەتتەرى ءۇشىن ايىپتاپ، حالىقارالىق قىلمىستىق سوتتان وسى ىسكە قاتىستى پروتسەس باستاۋدى سۇرادى. بۇل تۋرالى ءال-جازيرا اقپاراتتىق اگەنتتىگى جازدى. 

بۇۇ-نىڭ ادام قۇقىقتارى جونىندەگى كونسۋلىنىڭ ءۇش قىزمەتكەرى بۋرۋنديعا كىرۋگە بيلىكتىڭ رۇقساتىن الا الماعاندىقتان، وسى ەلدەن قاشقان حالىقتى سۇراپ، تەكسەرۋ ارقىلى افريكا مەملەكەتىندە ادامزاتقا قارسى قىلمىس بولعانىن جانە ول ءالى دە جالعاسىپ جاتقانىن حابارلادى.

بەيبىت تۇرعىندارعا قارسى جاسالعان زورلىق-زومبىلىق ارەكەتتەرى مەملەكەتتىك ساياسات ەسەبىندە جۇرگىزىلەتىنىن جەتكىزگەن بۇۇ وكىلدەرى 500-گە جۋىق قۇربانمەن تىلدەسكەندەرىن ايتادى. بۇۇ-نىڭ كەلتىرگەن دەرەكتەرىنە سايكەس، ءارتۇرلى قاقتىعىستار كەسىرىنەن شامامەن 500 نەمەسە 2 مىڭ ادام قازا تاۋىپ، 400 مىڭ تۇرعىن ەلدەن كەتكەن.

ءبۋرۋنديدىڭ پرەزيدەنتى ءوزىنىڭ تۆيتتەر پاراقشاسىندا بايانداما جاساعان زەرتتەۋشىلەرگە ەۋرووداق پەن باتىس مەملەكەتتەرى اقشا تولەگەن دەپ ايىپتاپ، جالعان اقپاراتتى پايدالانىپ، ولار افريكانى قۇلدىققا تۇسىرمەك دەگەن پىكىر ءبىلدىردى.

“The Qazaq Times”