فوتو: ريا نوۆوستي / دميتري استاحوۆ

بىرىككەن ۇلتتار ۇيىمىنىڭ قاۋىپسىزدىك كەڭەسى سولتۇستىك كورەيانىڭ سۋتەگى بومباسىن سىناقتان وتكىزۋىنە بايلانىستى شۇعىل كەزدەسۋ وتكىزەدى. بۇل تۋرالى بۇۇ-نىڭ امەريكالىق ميسسياسىنىڭ سايتىندا جاريالاندى. 

كەزدەسۋدى وتكىزۋ تۋرالى باستامانى اقش، جاپونيا، فرانتسيا، ۇلىبريتانيا جانە وڭتۇستىك كورەيا سىندى بىرقاتار ەل قولداعان.  ۇسىنىستى بۇۇ-داعى اقش-تىڭ تۇراقتى وكىلى نيككي حەيل ايتقان.

شۇعىل جينالىس بۇگىن استانا ۋاقىتىمەن كەشكى 20:00 شاماسىندا وتەدى.

ايتا كەتەيىك، 3 قىركۇيەك كۇنى سولتۇستىك كورەيا تاعى ءبىر يادرولىق سىناق وتكىزدى. سەيسمولوگتاردىڭ مالىمەتىنشە، ەپيتسەنتر قاشىقتىعى 3670-5310 كم بولعان جانە يادرولىق سىناق ەكپىنى سولتۇستىك كورەيا رەسەي، وڭتۇستىك كورەيا، جاپونيا قىتاي ەلدى مەكەندەرىنە سەزىلگەن.

وڭتۇستىك كورەيا پارلامەنتى قورعانىس جونىندەگى كوميتەتىنىڭ باسشىسى كيم ەن ۋدىڭ مالىمەتىنشە، كەشە كحدر سىناقتان وتكىزگەن سۋتەگى بومباسىنىڭ قۋاتى 100 كيلوتوننانى قۇرايدى جانە بۇل 1945 جىلى جاپونيالىق ناگاساكي قالاسىنا تاستالعان بومبادان 5 ەسەگە قۋاتتى. ەurosmi.ru باسىلىمىنىڭ جازۋىنشا، ەكىنشى دۇنيە جۇزىلىك سوعىس كەزىندە اقش ناگاساكيگە 20, حيروسيماعا 13 كيلوتوننا يادرولىق بومبا تاستاعان.

ەسكەرەتىن جايت، سولتۇستىك كورەيا وسىمەن التىنشى رەت يادرولىق جارىلىستى سىناقتان وتكىزگەن. بۇدان بولەك مەملەكەت اي سايىن بالليستيكالىق زىمىرانداردى سىناقتان وتكىزىپ، الەم ەلدەرىنە قاۋىپ ءتوندىرىپ وتىر.

“The Qazaq Times”