ءسۇريا مەن ونىڭ وداقتاستارىنىڭ اسكەري كۇشتەرى ءال-حاراتا مۇناي كەن ورنىن باسىپ العاننان سوڭ، "يسلام مەملەكەتى" لاڭكەستىك ۇيىمىنىڭ قول استىنداعى داير-ءاز-زاۋر قالاسىنا بەت الدى. بۇل تۋرالى ء"ال-جازيرا" اقپاراتتىق اگەنتتىگى جازدى.
"يسلام مەملەكەتى" لاڭكەستىك ۇيىمى قالا ىشىندەگى ۇكىمەتتىك انكلاۆ پەن جاقىن ماڭدا ورنالاسقان اسكەري بازانى ەسەپتەمەگەندە، شاھاردى تۇگەل يەلىگىنە العان. داير-ءاز-زاۋر ايماعىنىڭ گۋبەرناتورى مۇحاممەد يبراگيم سامرا Reuters اقپاراتتىق اگەنتتىگىنە بەرگەن سۇحباتىندا، ءسۇريا اسكەرى قالادان 18-20 كم قاشىقتىقتا ەكەنىن جانە 24-48 ساعات ىشىندە ازات ەتۋ جۇمىستارىن باستايتىنىن جەتكىزدى.
سەنبى كۇنى "حەزبوللا" باستاعان توپ داير-ءاز-زاۋردىڭ باتىسىنداعى جەبەل-ءال-باشري مەكەنىن بوساتىپ، قالاعا 30 كم جەرگە كەلىپ تايادى.
"يسلام مەملەكەتى" لاڭكەستىك ۇيىمىنىڭ سودىرلارى مەن ولاردىڭ وتباسىلارىنان تۇراتىن 17 اۆتوبۋس داير-ءاز-زاۋر قالاسىنا باعىت العان جولدا ءسۇريا اسكەرىنىڭ شابۋىلىنا تاپ بولىپ، ماقسات قىلعان مەجەسىنەن جاڭىلدى. سوڭعى جەڭىستەر ەلدىڭ اسكەري كۇشتەرى مەن ونىڭ وداقتاستارىنىڭ قالانى ازات ەتۋ وپەراتسياسىنىڭ ءساتتى وتەرىنە دەگەن سەنىمدى كۇشەيتەدى.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
ORDA حابارى، اقوردا رەاكتسياسى جانە سادىقوۆ ءىسى: نە بولىپ جاتىر، نەنى بايقادىق؟
سوزبۇيداعا سالىنعان جەتى تومدىق: قازاقتىڭ اكادەميالىق تاريحى قاشان جارىق كورەدى؟