تۇركيا مەن ەۋرووداقتىڭ قارىم-قاتىناسى قيىنداپ تۇر

ەۋروكوميسسيانىڭ پرەزيدەنتى جان-كلود يۋنكەر تۇركيا مەن ەۋرووداقتىڭ قارىم-قاتىناسى قيىنداپ تۇرعانىن مالىمدەدى.  

"تۇركيا ەۋرووداقتان الىستاپ بارادى. مەنىڭ ويىمشا، ەردوعان تۇركيانىڭ ەۋرووداققا كىرۋ تۋرالى كەلىسىمدەرىنە ءبىزدىڭ تاراپتان نۇكتە قويىلعانىن قالايتىن سياقتى. سوندا ول ەكىجاقتى قارىم-قاتىناستاردىڭ شيەلەنىسۋىنە ەۋرووداقتى كىنالاپ، ءوزىنىڭ ايىبىن جاسىرىپ قالۋشى ەدى", - دەدى ول.

ەۋرووداق تۇركيادا وتكەن جىلى ورىن العان مەملەكەتتىك توڭكەرىس جاساۋعا تالپىنىس وقيعاسىنان كەيىن رەجەپ تايىپ ەردوعاننىڭ كۇدىكتى ازاماتتاردى جاپپاي قۋدالاۋعا ۇشىراتقانىنا قاتىستى نارازىلىق بىلدىرگەن بولاتىن.

گەرمانيا كانتسلەرى انگەلا مەركەل: "گەرمانيادا 3 ملن تۇرىك ازاماتتارىنىڭ تۇراتىنىن ەسكەرىپ، تۇركيا بيلىگى ءوز ەلىندە كونستيتۋتسيالىق قۇقىقتاردى ساقتاۋى كەرەك. ولار ادام قۇقىقتارى مەن بوستاندىقتارىن ەركىن بۇزىپ وتىرعاندىقتان، ءبىزدىڭ قارىم-قاتىناستارىمىزعا سىزات ءتۇسىپ وتىر", - دەدى.

اقپان ايىندا تۇركيادا نەمىس-تۇرىك ءجۋرناليستى دەنيز يۋكەل تۇتقىندالعان كەزدە، گەرمانيا ۇكىمەتى بيلىكتىڭ تەك ءوز ەلىندە عانا ەمەس، شەت ەلدە دە ءسوز بوستاندىعىن شەكتەپ وتىرعانىن ايتىپ، الەم نازارىن اۋدارىپ ەدى.

“The Qazaq Times”