تيللەرسون مەن ترامپتىڭ قايسىسى قاتەلەستى: ترامپ اقش ۇكىمەتىنە وكىلدىك ەتە الماي ما؟

اقش-تىڭ مەملەكەتتىك حاتشىسى رەكس تيللەرسون 27 شىلدەدە (استانا ۋاقىتىمەن 28 شىلدە تاڭەرتەڭ)  «Fox News» ارناسىنا بەرگەن سۇحباتىندا ۆيرجينيا شتاتىنداعى شارلوتتسۆيلدەگى ناسىلدىك زورلىق-زومبىلىق تۋرالى پرەزيدەنت ترامپتىڭ سوزىنە قاتىستى توقتالدى. ول: «پرەزيدەنتتىڭ ءسوزى تەك وزىنە عانا وكىلدىك ەتە الادى»، – دەدى. بۇل تۋرالى «شينلاڭ» اقپاراتتىق سايتى حابارلادى.

تيللەرسون سۇحباتتا جۇرگىزۋشى ۋوللەس حانىمعا: «امەريكا قۇراما شتاتتارى ەركىندىكتى قورعاۋعا ۇمتىلادى. الەمدەگى ادامداردىڭ تەڭدىگى ءۇشىن كۇرەسەمىز. امەريكالىقتاردىڭ وسى قۇندىلىقتارىنا ەشكىم دە كۇماندانا المايدى»، – دەدى. الايدا، ۋوللەس حانىم قايىرا سۇراق قويىپ: «ولاي بولسا پرەزيدەنتتىڭ باعالاۋىن قالاي تۇسىنەمىز؟»، – دەگەن سوزىنە تيللەرسون: «پرەزيدەنتتىڭ ءسوزى تەك وزىنە عانا وكىلدىك ەتەدى»، – دەدى.

وسى سوزدەن كەيىن قۇراما شتاتتىڭ اقپارات قۇرالدارى ءىلىپ اكەتىپ، شارلوتسۆيللدەگى وقيعاعا ترامپتىڭ شىنىن دا بايلانىسى بار دەگەن بولجامداردى ايتىپ سالدى. ال، تيللەرسوننىڭ سوزىنشە، ترامپتىڭ ءسوزى وزىنە عانا وكىلدىك ەتىپ، اقش ۇكىمەتىنىڭ پوزيتسياسى بولىپ تابىلمايدى ەكەن. داۋدىڭ باسى ترامپتىڭ ناسىلشىلدىك وقيعاسىندا اق ناسىلدىلەردىڭ وكتەمدىگىن ايىپتاماعانىنان باستالىپ ەدى.

“The Qazaq Times”