F-15K بومبىلاۋشى ۇشاعى.

وڭتۇستىك كورەيا اسكەري اۋە كۇشتەرى سولتۇستىك كورەيامەن شەكارالاس اۋداندا ورنالاسقان اسكەري سىناق الاڭىن بومبىلادى، دەپ حابارلايدى رەنحاپ اقپارات اگەنتتىگى.

اگەنتتىكتىڭ مالىمەتىنشە، وڭتۇستىك كورەيا اسكەري اۋە كۇشتەرى سولتۇستىك كورەيا شەكاراسىنا جاقىن ورنالاسقان سىناق الاڭىن ءتورت بىردەي F-15ك ۇشاعى سالماعى ءبىر تونناندان اساتىن مك-84 بومباسىمەن بومبىلاعان. بۇل - سەۋلدىڭ پيوڭياڭنىڭ (پحەنياننىڭ) تامىزدىڭ 28-29 قاراعان ءتۇنى وتكىزگەن زىمىران سىناعىنا جاۋاپ رەتىندە جاساعان اسكەري قادامى.

ەستەرىڭىزگە سالايىق، تامىزدىڭ  28-29 قاراعان ءتۇنى سولتۇستىك كورەيا كەزەكتى زىمىرانىن سىناقتان وتكىزگەن بولاتىن. بۇل جولعى پيوڭياڭ زىمىرانى جاپونيا اۋە كەڭىستىگى ارقىلى تىنىق مۇحيتى اۋماعىنا بارىپ قۇلاعان ەدى.

“The Qazaq Times”