وڭتۇستىك قازاقستان وبلىسىنىڭ اكىمى جانسەيىت تۇيمەباەۆ وبلىستىق ءماسليحاتتىڭ كەزەكتى XIV سەسسياسىندا بيىلعى جىلدىڭ 7 ايىندا اتقارىلعان جۇمىستار بويىنشا ەسەپ بەردى. اكىمنىڭ مالىمەتتەرى بويىنشا وقو-نىڭ الەۋمەتتىك-ەكونوميكالىق دامۋ كورسەتكىشتەرىنە قاتىستى تومەندەگىدەي 30 دەرەك انىقتالدى.
1. وڭتۇستىك قازاقستان وبلىسىندا ءى جارتىجىلدىقتا جالپى وڭىرلىك ءونىمى 1,4 ترلن تەڭگەنى قۇراپ، ءوسىم 101,5 پايىزعا جەتتى;
2. 2017 جىلدىڭ 7 ايىندا وبلىستا 439,1 ملرد تەگەنىڭ ونەركاسىپ ءونىمى ءوندىرىلىپ، وتكەن جىلدىڭ سايكەس كەزەڭىمەن سالىستىرعاندا 0,3 پايىزعا وسكەن;
3. وقو-دا 187,8 ملرد تەڭگەنىڭ اۋىل شارۋاشىلىق ءونىمى ءوندىرىلىپ، كولەمى وتكەن جىلدىڭ ءتيىستى كەزەڭىمەن سالىستىرعاندا 2,7%-عا ارتتى;
4. وڭتۇستىكتە وسى جىلى قوسىمشا 297 كووپەراتيۆ قۇرىلىپ، جالپى سانى 539-عا جەتتى. وتكەن جىلعا قاراعاندا 2 ەسە ارتقان. كووپەراتسيا قۇرۋ جۇمىستارى بويىنشا وڭتۇستىك قازاقستان رەسپۋبليكا بويىنشا ءى ورىندا.
5. وقو-دا جىل باسىنان بەرى 2179 شاعىن مال بورداقىلاۋ الاڭدارى اشىلىپ، جالپى 11 746 بىرلىككە جەتتى. ال، وسى ۋاقىت ىشىندە 621 جانۇيالىق ءسۇت فەرمالارى ىسكە قوسىلىپ، 2 661 بىرلىكتى قۇرادى.
6. ەگىس كولەمى وتكەن جىلمەن سالىستىرعاندا 27,4 مىڭ گا كوبەيتىلىپ، 816,2 مىڭ گا جەتتى;
7. 2017 جىلى نەگىزگى كاپيتالعا 229,9 ملرد تەڭگە ينۆەستيتسيا تارتىلدى. بۇل وتكەن جىلدىڭ ءتيىستى كەزەڭىمەن سالىستىرعاندا 31%-عا ارتتى، ياعني، 50 ملرد. تەڭگەگە كوپ. بۇل رەسپۋبليكاداعى ۇلەسىنىڭ 5,7 % قۇرادى.
8. وڭىرگە كوپتەپ ينۆەستيتسيا تارتۋ ماقساتىندا جىل باسىنان بەرى شەتەل ينۆەستورلارىمەن 40-تان اسا ىسكەرلىك كەزدەسۋلەر ۇيىمداستىرىلدى. ناتيجەسىندە، ءباا – مەديتسينالىق بۇيىمدار جانە دارىلىك زاتتار شىعاراتىن زاۋىت سالۋ، رەسەي ەلىمەن – ەۆرو-5 ستاندارتىنا ساي جانار-جاعارماي وندىرەتىن مۇناي وڭدەۋ زاۋىتى مەن قىتاي ەلىمەن بىرلەسە بيوەتالون، فوسفور تىڭايتقىشىن شىعاراتىن جانە 200 مۆت كۇن ەلەكتر ستانتسياسىن سالۋ ءۇشىن كەلىسىمگە كەلدى.
9. «نۇرلى جول» باعدارلاماسى اياسىندا بيىل وبلىستا 32 نىساننىڭ قۇرىلىسى جۇرگىزىلۋدە. قۇرىلىس جۇمىستارىنىڭ ناتيجەسىندە ۋاقىتشا 4 460 جۇمىس ورنى قۇرىلدى. 7 ايدا 2 مەكتەپتىڭ قۇرىلىسى اياقتالسا، جىل سوڭىنا دەيىن 16 (6 اپاتتى، 10 ءۇش اۋسىمدى) جانە وبلىستىق بيۋدجەتتەن قوسا قارجىلاندىرۋ ەسەبىنەن 3 مەكتەپتىڭ (2 اپاتتى، 1 ءۇش اۋسىمدى), 3 ينفراقۇرىلىمدى پايدالانۋعا بەرۋ جوسپارلانۋدا.
10. «نۇرلى جەر» باعدارلاماسىنىڭ 5 باعىتى بويىنشا 226 تۇرعىن ءۇي قۇرىلىسى جۇرگىزىلۋدە (10 879 پاتەر، 737,6 مىڭ شارشى مەتر). بيىل 115 ءۇيدىڭ (6 375 پاتەر، 388,7 مىڭ شارشى مەتر) قۇرىلىسى اياقتالىپ، پايدالانۋعا بەرىلەدى. بۇگىنگى تاڭعا جوسپارلانعان 6 375 وتباسىنىڭ 3 123-ءى باسپانامەن قامتىلدى.
11. رەسپۋبليكا بويىنشا شاعىن جانە ورتا كاسىپكەرلىك سۋبەكتىلەرىنىڭ سانى جاعىنان كوش باستايتىن وڭتۇستىكتە بۇگىندە جۇمىس ىستەپ تۇرعان شوك سۋبەكتىلەرى 177 709 بىرلىككە جەتتى. ال، بۇل سالادا جۇمىسپەن قامتىلعاندار 331 490 ادامدى قۇراسا، ولارمەن 158,3 ملردتەڭگەنىڭ ءونىمى وندىرىلگەن.
12. وسى جىلدىڭ جەتى ايىندا 10 ناۋقاسقا بۇيرەك الماستىرۋ، 3 ناۋقاسقا باۋىر الماستىرۋ وتاسى جاسالدى.
13. «ەمحاناعا تىركەل دە – الەۋمەتتىك مەديتسينالىق ساقتاندىرۋ جۇيەسىندەگى ءوز مارتەبەڭدى انىقتا!» ناۋقانى اياسىندا ەمحاناعا 2,8 ملن. ادام تىركەلگەن.
14. مەكتەپكە دەيىنگى ءبىلىم بەرۋ ۇيىمدارى 1677-كە جەتتى. بۇل وتكەن وقۋ جىلىمەن سالىستىرعاندا 95-كە كوپ. ال، 3-6 جاس ارالىعىنداعى بالالاردىڭ بالاباقشامەن قامتۋ كورسەتكىشى 170 مىڭ بالا پايىزى – 86,1% (2016 ج. – 84,6%).
15. جاڭا وقۋ جىلىندا وبلىس مەكتەپتەرىندە 640 مىڭعا جۋىق وقۋشى (2016 ج. - 611 مىڭ وقۋشى) ءبىلىم الادى دەپ كۇتىلۋدە، ونىڭ 73 مىڭى ءبىرىنشى سىنىپقا بارادى.
16. وقو-دا 79 ءبىلىم بەرۋ نىساندارىنىڭ قۇرىلىسى جۇرگىزىلىپ جاتىر. ونىڭ ىشىندە جىل باسىنان بەرى 7 مەكتەپ تاپسىرىلسا، ونىڭ 6-ۋى جاڭا مەكتەپ. ال، 1 قىركۇيەك كۇنى 20 مەكتەپ پايدالانۋعا بەرىلسە، 2 – ءۋى جىل سوڭىندا تاپسىرىلادى (2018 ج.- 50 وتپەلى). وسىلايشا، بيىل 8 اپاتتى جانە 12 ءۇش اۋىسىمدى مەكتەپتەردىڭ ماسەلەسى شەشىلەتىن بولادى.
17. «سەرپىن-2050» جوباسى اياسىندا، سولتۇستىك، شىعىس، باتىس قازاقستان وبلىستارىنىڭ جانە اقتوبە، اقمولا، قوستاناي، پاۆلودار، قاراعاندى، اتىراۋ وبلىستارىنىڭ جوعارى وقۋ ورىندارىندا – 4 698 جاس، كوللەدجدەردە – 929 جاس ءبىلىم الۋدا.
18. «ديپلوممەن اۋىلعا» جوباسى اياسىندا، اعىمداعى جىلى 966 مامانعا 153,8 مىڭ تەڭگە كولەمىندە بىرجولعى كوتەرمە جاردەماقى قاراستىرىلىپ، بۇگىنگى تاڭدا 673 جاس مامان جۇمىسقا ورنالاستى.
19. «ورلەۋ» جوباسى بويىنشا شارتتى اقشالاي كومەك 14 457 وتباسىنداعى 83 306 ادامعا 4,2 ملرد. تەڭگە تاعايىندالىپ تولەندى، ولاردىڭ ىشىندەگى 17 406 ەڭبەككە جارامدى ازاماتتىڭ 15 764-ءى تۇراقتى جۇمىسپەن قامتىلدى. بۇل جوبانى ورىنداۋ بويىنشا ءوڭىرىمىز رەسپۋبليكادا ءى ورىندا.
20. رەسپۋبليكالىق جانە ازيا چەمپيوناتتارىندا، الەم چەمپيوناتتارى مەن كۋبوكتارىندا وبلىس سپورتشىلارى 443 التىن، 421 كۇمىس، 418 قولا مەدال جەڭىپ الدى.
21. 2017 جىلى سۋ قۇبىرى مۇلدەم جوق 10 ەلدى مەكەن ، ياعني، 12,3 مىڭ حالىق جاڭا اۋىز سۋ قۇبىرلارىنىڭ قۇرىلىسى جۇرگىزىلىپ، پايدالانۋعا بەرىلەدى.
22. 2017 جىلى وڭىردەگى 72 ەلدى مەكەندە گازداندىرۋ قۇرىلىسىنىڭ جۇمىستارى جۇرگىزىلۋدە. جۇمىس كولەمى وتكەن جىلمەن سالىستىرعاندا 3 ەسەگە ارتقان. جىل سوڭىندا 50 ەلدى مەكەن ياعني، 80 مىڭ حالىق تابيعي گازبەن قامتىلادى.
23. وبلىستىق جانە اۋداندىق ماڭىزى بار 801,8 شاقىرىم جولداردا قۇرىلىس-جوندەۋ جۇمىستارى جۇرگىزىلىپ، جىل سوڭىنا دەيىن 115,4 شاقىرىم جول پايدالانۋعا بەرىلەدى.
24. «رۋحاني جاڭعىرۋ» باعدارلاماسىنىڭ قوعامدىق ساناسىن جەتىلدىرۋدىڭ 6 باعىتىن جۇزەگە اسىرۋ اياسىندا وبلىستا 428 ءتۇرلى جوسپارلى ءىس-شارالار جۇرگىزىلدى جانە 95 جوبا جۇزەگە اسىرىلادى.
25. شەكارالىق وگەم وزەنى جونىندەگى وزبەكستان رەسپۋبليكاسىنىڭ كەلىسىمى ناتيجەسىندە 700 مىڭ ادام اۋىز سۋمەن قامتاماسىز ەتىلمەك.
26. 2006 جىلدان بەرى جابىلعان حالىقارالىق ماڭىزى بار «تاشكەنت - تەرمەز» باعىتىنداعى اۆتوموبيل جولى مەن «سىرداريا» وتكىزۋ پۋنكتى قايتا پايدالانۋعا بەرىلدى.
27. وڭتۇستىك قازاقستان وبلىسىندا تاريحي-مادەني ماڭىزى بار 1281 ەسكەرتكىش ەسەپكە الىندى.
28. يندۋستريالاندىرۋ كارتاسىمەن وبلىستا جىل باسىنان بەرى قۇنى 1,7 ملرد. تەڭگە بولاتىن 3 جوبا ىسكە قوسىلدى. ال،جىلدىڭ سوڭىنا دەيىن 14جوبا جۇزەگە اسىرىلماق.
29. 2017 جىلى «Ontustik» كاسىپكەرلەرگە قىزمەت كورسەتۋ ورتالىعى 11,3 مىڭ كاسىپكەرگە كومەك كورسەتىلدى.
30. كاسىپكەرلىكتى قولداۋ ماقساتىندا «وڭتۇستىك» ايماقتىق ينۆەستيتسيالىق ورتالىعى 7% مولشەرلەدە 1 963 جوبانى قارجىلاندىردى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى