فوتو: FBI.gov.

اقش پەن قىتاي اراسىندا قىتاي مەملەكەتىنىڭ اقشاسىن الىپ، امەريكادا  قاشىپ جۇرگەن قىتايلىق ازاماتتاردى تۇتقىنداپ، ەلىنە دەپورتاتسيالاۋ كەلىسىمى جاسالدى. بۇل تۋرالى «حالىق» باسىلىمىنىڭ رەسمي سايتى حابارلايدى.

اقش-تىڭ كەدەندىك زاڭ اتقارۋ ورىندارى قىتايلىق جوۋ ەسىمدى ازاماتتى تۇتقىنداپ، ەكى كۇن بۇرىن قىتايدىڭ ورتالىق قالاسى بەيجىڭنىڭ اۋەجايىنا جەتكىزىپ بەردى. قىتاي ۇكىمەتى وسىدان بۇرىن جوۋدى مەملەكەت قارجىسىن جىمقىردى دەپ ايىپتاپ، قارجى مينيسترلىگىنىڭ تالابىمەن حالىقارالىق قىزىل ءتۇستى قۋعىنداۋ بۇيرىعى جاريالانعان. اقش پوليتسياسى ماۋسىم ايىنان بەرى قىتاي ۇكىمەتى ىزدەۋ سالعان قىلمىسكەرلەردى وسىمەن  ەكىنشى رەت جەتكىزىپ بەرىپ وتىر.

قىتايدىڭ حۋبەي پروۆينتسياسىنىڭ ازاماتى جوۋ اتالعان ايماقتاعى ەڭ ءىرى حيميا ونەركاسىبى جشس اتىنان مەملەكەتتىك بانكتەردەن 59 ملن اقش دوللارى قارىز الىپ، جالعان قۇجاتتار ارقىلى قارجىنى جىمقىرعان. 2014 جىلى زاڭسىز قارجى جىلىستاتۋ جولدارىمەن اقشانى شەتەلدەگى ەسەپشوتىنا اۋدارىپ، اقش-قا قاشىپ كەتكەن. قىتاي ۇكىمەتىنىڭ تالابىمەن اقش ميگراتسيا جانە كەدەندىك باسقارۋ تاراۋلارى جاعىنان تۇتقىندالىپ، قىتايعا قايتارعان.

“The Qazaq Times”