Microsoft كومپانياسىنىڭ نەگىزىن قالاعان بيلل گەيتس.

بيلل گەيتس 4,6 ملرد اقش دوللارىن قايىرىمدىلىققا بەرىپ، 2000 جىلدان بەرى ەڭ ۇلكەن سوماداعى قارجىنى قايتارىمسىز كومەككە ارناپ وتىر. بۇل تۋرالى BBC اقپاراتتىق اگەنتتىگى جازدى.

ول Microsoft كومپانياسىنىڭ قۇنى 64 ملن اقش دوللارى بولاتىن اكتسيالارىن قايىرىمدىلىق ماقساتىندا جۇمساعانىنا قاراماستان، الەمنىڭ ەڭ باي ازاماتى اتالىمىندا قالىپ وتىر. ويتكەنى بۇل قارجى ونىڭ يەلىگىندەگى جالپى بايلىقتىڭ تەك 5 پايىزى عانا.

1994 جىلدان بەرى بيلل گەيتس ءوزىنىڭ جارى ميليندا گەيتسپەن بىرگە الەمدەگى كەدەيلىكتى جويۋعا، قاۋىپتى ىندەت وشاقتارىنا مەديتسينالىق كومەك جىبەرۋگە جانە الەۋمەتتىك از قامتىلعان اۋدان تۇرعىندارىنىڭ كومپيۋتەرگە قولجەتىمدىلىگىن قامتاماسىز ەتۋگە 35 ملرد اقش دوللارىن جۇمساعان.

ولاردىڭ باستاماسىمەن قۇرىلعان «بيلل جانە ميليندا گەيتست قورىنا» اقشا اۋداراتىن باي-قۋاتتى ادامدار كوپ. ايتالىق، بەلگىلى فيلانتروپ ۋورەن باففەت اتالمىش قورعا 3,2 ملرد $, Dell كومپيۋتەر كورپوراتسياسىنىڭ باسشىسى مايكل دەلل مەن ونىڭ ايەلى سيۋزان 1 ملرد $ قارجى قۇيعان.

“The Qazaq Times”