كريشتيانۋ رونالدۋ يسپانيا سۋپەر كۋبوگىنىڭ العاشقى ويىنىندا تورەشىنى يتەرىپ جىبەرگەنى ءۇشىن ۇزاق ۋاقىتقا فۋتبولدان الاستاتىلۋى مۇمكىن، دەپ حابارلايدى Oxu.az اقپارات كوزى.
«بارسەلونا» مەن «رەال مادريد» فۋتبول كلۋبتارى اراسىندا وتكەن يسپانيا سۋپەر كۋبوگىنىڭ العاشقى ويىنىندا تورەلىك ەتكەن رياكردو دە بۋرگوس بەنگوەچا ويىننان كەيىنگى حاتتامادا قىزىل قاعاز كورسەتكەننەن كەيىن رونالدۋ ءوزىن يتەرىپ جىبەرگەندىگى جايىندا جازىپ كورسەتكەن. يسپانيا فۋتبول فەدەراتسياسىنىڭ ەرەجەسى بويىنشا، وسى قىلىعى ءۇشىن كريشتيانۋ رونالدۋ ەل بىرىنشىلىگىندە 4 ويىنان، 12 ويىنعا دەيىن شەتتەتىلۋى مۇمكىن.
بۇل دەگەنىمىز ونسىزدا قىزىل قاعاز الىپ «بارسەلوناعا» قارسى قارىمتا ويىنعا قاتىسا المايتىن رەال كوشباسشىسى ەندى «دەپورتيۆا»، «ۆالەنسيا»، «لەۆانتە» جانە «رەال سوسەداد» كوماندالارىنا قارسى ويىنداردى دا وتكىزىپ الۋى مۇمكىن دەگەن ءسوز.
ەستەرىڭىزگە سالايىق، تامىزدىڭ 13-نەن 14-ىنە قاراعان ءتۇنى «رەال مادريد» كامپ نوۋ ستاديونىندا «بارسەلونا» فك-نى 3:1 ەسەبىمەن ويسىراتا جەڭگەن بولاتىن. ويىن سوڭىندا (83 مينۋتتا) رونالدۋ سيمۋلياتسيا جاساعانى ءۇشىن قىزىل قاعاز الىپ الاڭنان قۋىلعان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى