بەلگىلى فۋتبولشى كريشتيانۋ رونالدۋ مادەيرا قالاسىندا كارانتينگە جاتقىزىلدى. بۇل تۋرالى Daily mail حابارلادى.

جاڭا COVID-19 كوروناۆيرۋسى «يۋۆەنتۋس» فۋتبول كلۋبىنىڭ ويىنشىسى دانيەلە رۋگانيدەن تابىلعان سوڭ، اناسىنىڭ ءحالىن ءبىلۋ ءۇشىن مادەيرا قالاسىنا بارعان كريشتيانۋ رونالدۋ دا وقشاۋلانعان. مادەيرا دەنساۋلىق ساقتاۋ ءمينيسترى پەدرۋ راموشتىڭ ايتۋىنشا، ويىنشىنىڭ وزىندە دە، وتباسى مۇشەلەرىندە دە كوروناۆيرۋس بەلگىلەرى جوق.

راموش: «رونالدۋ بىرنەشە كۇن بۇرىن يتاليادان كەتكەن. ونى وقشاۋلاۋ مادەيراعا كەلمەي-اق باستالعان ەدى. ازىرگە ودان دا، وتباسى مۇشەلەرىنەن دە ەشقانداي سيمپتومدار بايقالعان جوق»، - دەدى.

ايتا كەتەيىك، بۇعان دەيىن كانادا پرەمەر-ءمينيسترى دجاستين تريۋدو دا كارانتينگە جاتقىزىلعان بولاتىن. الەم بويىنشا قاۋىپتى كوروناۆيرۋس دەرتىنە شالدىققاندار سانى 133543 ادامعا جەتسە، 5 مىڭعا جۋىق ادام كوز جۇمعان.

"The Qazaq Times"