اقش كۋبانىڭ ەكى ديپلوماتىن ەلدەن شىعارىپ جىبەردى

اقش-تىڭ مەملەكەتتىك دەپارتامەنتى كۋبانىڭ ەكى ديپلوماتى ەلدەن شىعارىلعانىن مالىمدەدى. بۇعان اقش-تىڭ كۋباداعى ەلشىلىگى قىزمەتكەرلەرىنىڭ اعزاسىندا  بىرقاتار تۇسىنىكسىز سيمپتومداردىڭ انىقتالۋى سەبەپ بولعان. وتكەن جىلدىڭ سوڭىنان باستاپ، كۋباداعى اقش ديپلوماتتارى ەستۋ قابىلەتتەرىنەن ايىرىلا باستاعان، - دەيدى ءباسپاسوز حاتشىسى حەيزەر نويەرت. 

اقش ۇكىمەتى كۋباداعى ءوز ازاماتتارىنىڭ ۇيلەرىنىڭ سىرتىنا ەستۋ قابىلەتىن تومەندەتەتىن دىبىس تولقىندارىن تاراتۋشى قۇرىلعىلار ورناتىلعان بولۋى مۇمكىن دەپ كۇدىكتەنەدى. بۇل تىلسىم وقيعا اسەرىنەن ومىرىنە قاۋىپ تونگەن ديپلوماتتار تىركەلمەسە دە، اقش بىرنەشە قىزمەتكەرىن ەلگە قايتارىپ الدى.

كۋبانىڭ سىرتقى ىستەر مينيسترلىگى بۇل ايىپتاۋلارعا ەش قاتىسى جوق ەكەنىن ايتىپ، "كۋبا جەرىندە ەشقاشان اككرەديتاتسيادان وتكەن ديپلوماتتارعا قارسى قانداي دا ءبىر ارەكەت جاسالۋىنا جول بەرىلمەيدى", - دەپ مالىمدەدى.

قازىر اقش بۇل وقيعاعا قاتىسىت ءوزىنىڭ زەرتتەۋ جۇمىستارىن باستادى. كۋبا ءوز كەزەگىندە، كەلەڭسىز جاعدايدىڭ اق-قاراسىن اجىراتۋعا وزىندىك ۇلەسىن وسۋعا ۋادە بەردى.

2015 جىلى اقش پەن كۋبا اراسىندا ديپلوماتيالىق قارىم-قاتىناستار قايتا جاندانا باستاعانعا دەيىن، ولاردىڭ اراسىندا 50 جىل بويى "جابىق شەكارا" رەجيمى بولعان.

“The Qazaq Times”