گرۋزيا قازاقستان الدىنداعى مەملەكەتتىك قارىزىن وسى جىلدىڭ قىركۇيەك ايىنان باستاپ تولەي باستايدى. قارىز پاريج كلۋبى سحەماسى بويىنشا، ياعني ەڭ تومەنگى پايىز ەسەبىنەن تولەنەدى. بۇل تۋرالى قازاقستاننىڭ گرۋزياداعى توتەنشە جانە وكىلەتتى ەلشىسى ەرمۇحامەت ەرتىسباەۆ مالىمدەدى.
اقپارات بويىنشا، قازاقستان گرۋزيالىقتارعا 90 جىلداردىڭ باسىندا 27,5 ملن دوللار كولەمىندە قارىز بەرگەن.
"ول كەزدە دە ءبىزدىڭ مەملەكەتتىك قازىنا بوس ەدى. جاعداي قيىن بولدى. ول كەزدە ەكس-پرەزيدەنت ەدۋارد شەۆاردنادزە بيلىكتى قيىندىقپەن ۇستاپ تۇردى، ءبىزدىڭ پرەزيدەنت وعان تۇسىنىستىكپەن قاراپ، قارىز بەردىك. گرۋزيا بۇل قاراجاتقا مۇقتاج بولدى. ەندى وسى جىلدىڭ قىركۇيەك ايىنان باستاپ گرۋزيا تاراپى قازاقستان الدىنداعى مەملەكەتتىك قارىزىن وتەي باستايدى", - دەدى وكىلەتتى ەلشى.
ونىڭ سوزىنشە، قارىزدى تولەۋ بويىنشا كەلىسسوزدەر 2013 جىلى باستالعان.
"كەلىسسوزدەر بولدى. ولار قارىزدى پاريج كلۋبى سحەماسى بويىنشا ەڭ تومەنگى پايىزبەن تولەيدى", - دەدى
پاريج كلۋبى - 1956 جىلدان بەرى جۇمىس ىستەپ كەلە جاتقان كرەديت بەرۋشى ەلدەردىڭ بەيرەسمي ۇيىمى. ولاردىڭ ماقساتى - دامۋشى ەلدەردەگى مەملەكەتتىك قارىزداردى قايتا قۇرىلىمداۋ.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى