فوتو: Ratel.kz

قر ءبىلىم جانە عىلىم ءمينيسترى ەرلان ساعاديەۆ جوعارعى وقۋ ورىندارىنداعى وقۋ باعاسى نەگە قىمباتتاپ جاتقانىن ءتۇسىندىردى.

ونىڭ سوزىنشە، جوو-لارداعى ءبىلىم بەرۋ باعاسىنىڭ قىمباتتاۋى وسى سالاداعى جەمقورلىقتان جانە ۋنيۆەرسيتەتتەردەگى كەزەكتەن قۇتىلۋعا مۇمكىندىك بەرەدى.

"ەگەر جوعارى وقۋ ورىندارى وقۋ باعاسى قىمبات بولعان جاعدايدا ستۋدەنتتەر سانى جەتكىلىكتى بولادى دەپ ەسەپتەسە، ول دۇرىس. مەن ايتتىم، بۇل نارىق، بۇل قىزمەت. مەن مينيسترلىك ءاربىر جەكە وقۋ ورنىنا بارىپ قانداي باعا قويۋ كەرەكتىگىن ايتۋعا مىندەتتى دەپ ويلامايمىن. ەگەر ونداي بولسا بىزدە قايتادان ۋنيۆەرسيتەتتەردەگى كەزەك، جەمقورلىق سياقتى داۋلار كوبەيەدى", - دەيدى مينيستر.

ونىڭ ايتۋىنشا، مۇنداي جاعدايدا تەك باسەكەلەستىككە جانە نارىقتىق شارتتارعا ءۇمىت ارتۋعا تۋرا كەلەدى.

ايتا كەتەيىك، بۇعان دەيىن 2016-2017 وقۋ جىلىندا قارجىلىق قيىندىقتارعا بايلانىستى  17 مىڭ ستۋدەنت وقۋدان شىعىپ كەتكەنى ايىلعان بولاتىن. ولاردىڭ  11 مىڭى جەكەمەنشىك وقۋ ورىندارىنىڭ ستۋدەنتتەرى.

“The Qazaq Times”