فوتو: kapital.kz

2017 جىلدىڭ 24 شىلدەسىندە ساعات 12.58 EXPO-2017 حالىقارالىق مامانداندىرىلعان كورمەسىندە ءبىر جارىم ميلليونىنشى كەلۋشى تىركەلگەن. بۇل تۋرالى "استانا EXPO-2017" ۇلتتىق كومپانياسىنىڭ ءباسپاسوز قىزمەتى حابارلادى. 

ال 11 شىلدەدە استانانىڭ ماتەماتيكا ساباعىنىڭ مۇعالىمى EXPO-2017 كورمەسىنىڭ ميلليونىنشى كەلۋشىسى اتاندى.

شىلدەنىڭ 17-نەن 23 دەيىنگى ارالىقتا EXPO-2017 حالىقارالىق مامانداندىرىلعان كورمەسىنە 285 300 ادام كەلىپ، ورتا ەسەپپەن العاندا كۇنىنە 40 757 قوناق بولعان. ەسكە سالساق، كورمە جۇمىسىنىڭ ءبىرىنشى اپتاسىندا كۇنىنە 23 مىڭ ادام بارعان.

ماۋسىمنىڭ 10-ى مەن شىلدەنىڭ 23-ءى ارالىعىندا كورمەگە كەلگەن كەلۋشىلەردىڭ جالپى سانى 1 484 300 ادام بولعان.

ايتا كەتەيىك، EXPO كورمەسىنە 2-3 ملن ادام كەلەدى دەپ جوسپارلانعان. مۇمكىن وسىدان كەيىن بولار، كومانيا وكىلدەرى كەلگەن-كەتكەن ءاربىر ادامدى ءجىتى قاداعالاپ، "جوسپار ورىندالدى" دەپ ايتۋعا بارىنشا تىرىسىپ جاتقان سياقتى.

 “The Qazaq Times”