فوتو: Vesti.Ru

فرانتسيا Eحرو-2025 حالىقارالىق كورمەسىن وزدەرىندە وتكىزۋ تۋرالى نيەتىنەن باس تارتتى، دەپ جازدى فرانتسۋزدىق Journal du Dimanche گازەتى.

ەلدىڭ پرەمەر-ءمينيسترى ەدۋار ءفيليپتىڭ كورمەنى ۇيىمداستىرۋشى كوميتەتكە جولداعان حاتىندا ايتىلعانداي، مۇنداي شەشىمنىڭ قابىلدانۋىنا قارجى قيىندىقتارى سەبەپ بولعان. بۇدان بولەك، حاتتا ءىس-شارانى وتكىزۋگە بيزنەس-سەرىكتەستەر جەتىسپەيتىنى تۋرالى ايتىلعان.

فرانتسيا Eحرو-2025 حالىقارالىق كورمەسىن وزدەرىندە وتكىزۋ تۋرالى ءوتىنىشىن 2017 جىلدىڭ قىركۇيەك ايىندا جولداعان. ولار كورمەگە كەلەتىندەر سانى 35 ميلليوننان 65 ميللونعا دەيىن جەتەدى دەپ بولجاعان. ميلاندا وتكەن Eحرو-2015 كورمەسىنە 20 ملن-عا جۋىق ادام كەلگەن.

Deutsche Welle مالىمەتىنشە، فرانتسيا باس تارتقاننان كەيىن ەندى Eحرو-2025 كورمەسىن وتكىزۋگە ەندى رەسەي، جاپونيا جانە ازەربايجان ۇمىتكەر بولادى. جەڭىمپاز 2018 جىلدىڭ قاراشا ايىندا بەلگىلى بولادى.

ايتا كەتەيىك، قازاقستان 2015-2016 جىلدارداعى داعدارىسقا قاراماستان 2017 جىلى Eحرو كورمەسىن وتكىزگەن ەدى. قر پرەزيدەنتى نۇرسۇلتان نازارباەۆ ماۋسىم ايىندا كورمەگە 1,3 ملرد دوللار قاراجات جۇمسالدى دەپ مالىمدەگەن. ال كەلۋشىلەر سانىنا كەلەر بولساق، كورمە باستالعان ۋاقىتتان باستاپ (10 ماۋسىم) اياقتالعان كۇنگە شەيىن (9 قىركۇيەك) 3 860 000 ادام كەلگەن.

“The Qazaq Times”