قىرعىزستان رەسپۋبليكاسىنىڭ تۇڭعىش پرەزيدەنتى اسقار اقاەۆتىڭ كۇيەۋ بالاسى قازاقستاندىق كاسىپكەر ءادىل تويعانباەۆ سوتتالدى.

قىرعىزستان سوتى ونى 2005 جىلدارى ەل اۋماعىندا الاياقتىقپەن، مونوپوليالىق جولدارمەن باسەكەلەستىككە كەدەرگى جاساۋ جانە سالىقتان جالتارۋ باپتارى بويىنشا، سىرتتاي 20 جىلعا باس بوستاندىعىنان ايىردى.

اسقار اقاەۆتىڭ كۇيەۋ بالاسى ءادىل تويعانباەۆ.

قىرعىزستان قۇقىق قورعاۋ ورگاندارىنىڭ حابارلاۋىنشا، تويعانباەۆ 1998 جىلى ءوزىنىڭ زاڭعا قايشى ىستەردى جاساپ جۇرگەنىن بىلە تۇرا، سونداي قادامدارعا بارعان. ول 2005 جىلى ينتەرپول ارقىلى حالىقارالىق ىزدەۋگە بەرىلگەن. ءادىل تويعانباەۆ 2014 جىلى الماتىدا، 2014 جىلى ماسكەۋدە، 2016 دۋبايدا ۇستالعان. بىراق قىرعىزستان بيلىگىنىڭ ونى ەلگە ەكستراديتسيالاۋعا كۇشى جەتپەگەن.

ءادىل تويعانباەۆ قىرعىزستان سوتىنىڭ شەشىمى جايىندا: «ەكونوميكالىق قىلمىس جاساعانىم ءۇشىن 20 جىل بەرۋ اقىلعا سىيمايدى. ال 12 جىل بۇرىن بولعان ءىستى قايتا قاراپ شەشىم شىعارۋ قىرعىزستان سوتىنىڭ ساندىراعى. بۇكىل الەم بويىنشا قىلمىستىق ءىس 7 جىلدان كەيىن قايتا قارالمايدى. بۇل ءىس بەلگىسىز ءبىر ادامنىڭ «مەنى 2005 جىلى اسقار اقاەۆتىڭ كۇيەۋ بالاسى رەتىندە قىرعىزستان ەكونوميكاسىن باسقاردى » دەگەن ءسوزى بويىنشا قوزعالعان» - دەدى.

“The Qazaq Times”