فوتو: Tengrinews

2018 جىلدان باستاپ جالاقى ەكى بولىكتەن تۇرادى – تۇراقتى جانە اينىمالى. اينىمالى بولىكتە مەملەكەتتىك قىزمەتكەرلەرگە بونۋستار تولەنەدى، الايدا بۇل بولىك بارلىعىنا بىردەي بەرىلمەۋى مۇمكىن. بۇل تۋرالى قازاقستان-2050 سايتى  حابارلايدى.

ايگۇل  شايموۆانىڭ سوزىنشە، پرەزيدەنتتىڭ تاپسىرماسى بويىنشا ەڭبەك ناتيجەسىنە بايلانىستى جالاقى تولەۋگە كوشۋ جوسپارلانۋدا.

«ەڭبەك ءوتىلىن عانا ەسكەرەتىن قولدانىستاعى جالاقى تولەۋ جۇيەسىنەن گورى  جاڭا جۇيە مەملەكەتتىك قىزمەتكەردىڭ جۇمىس ىستەيتىن مەكەمەسىنىڭ جۇمىسىنا قوسقان ۇلەسىنە بايلانىستى بولادى. قازىرگى تاڭدا ءبىز ادىستەمەسىن جاساقتادىق جانە ونىڭ پيلوتتىق قولدانىلۋى كەلەر جىلعا جوسپارلانۋدا»، - دەپ حابارلادى قر مەملەكەتتىك قىزمەت ىستەرى جانە جەمقورلىققا قارسى اگەنتتىگى توراعاسىنىڭ ورىنباسارى ايگۇل شايموۆا.

اگەنتتىك وكىلىنىڭ سوزىنشە، تۇراقتى بولىك قىزمەتكەردىڭ قىزمەتىنە بايلانىستى بولادى. بۇدان بولەك اينىمالى بولىك ياعني بونۋستار بولادى.

"الدىن الا جوبا بويىنشا بونۋستار جىلىنا ءبىر رەت تولەنەدى. ارينە، ەگەر مەملەكەتتىك قىزمەتكەر ناقتى ءبىر ناتيجەگە قول جەتكىزسە. قىزمەتكرەمەن جەكە جوسپار جاسالادى. جەكە جوسپار اياسىندا ونىڭ الدىنا ناقتى مىندەت قويىلادى، ەگەر ول جاقسى باعا الاتىن بولسا وعان بونۋس تولەنەدى»، - دەپ ءتۇسىندىردى ول.

“The Qazaq Times”