جەكە مەنشىك نىساندار مەن اكتيۆتەردى ساتۋدان تۇسكەن تابىس - 127 ملرد تەڭگە

2017 جىلدىڭ باسىنان بەرى قازاقستاندا 6,38 ملرد تەڭگەگە ۇلتتىق كومپانيالار، حولدينگ، رەسپۋبليكالىق جانە كوممۋنالدىق مەنشىكتەگى 60-قا جۋىق وبەكت ساتىلعان.

ونىڭ ىشىندە 6,61 ملرد تەڭگەگە 56 بىرلىك كەشەندى جوسپار بويىنشا ساتىلعان. ەندىگى ساۋدادا ءالى 120 نىسان بار.

جەكەشەلەندىرۋ وبەكتىلەرىن تىركەۋ ستاتيستيكاسىنا سايكەس، 2013 جىلى جەكەشەلەندىرۋدىڭ ەكىنشى تولقىنى باستالعالى بەرى 126,905 ملرد تەڭگەگە 462 بىرلىك ساتىلعان (كەشەندى جوسپار بويىنشا 63,88 ملرد تەڭگەگە 232 وبەكت). ونىڭ ىشىندە 31 رەسپۋبليكالىق (11,14 ملرد تەڭگە), 223 كوممۋنالدىق مەنشىك (20,32 ملرد تەڭگە) جانە  ۇلتتىق حولدينگتەردىڭ 96 اكتيۆى (88,57 ملرد تەڭگە), ۇلتتىق كومپانيالاردىڭ 110 اكتيۆى بار.

ەڭ كوپ نىسان، ياعني 47,1 ملرد تەڭگەگە 146 نىسان 2016 جىلى ساتىلعان. بۇل وبەكتىلەردى ساتىپ العانداردىڭ كوپشىلىگى جەكە تۇلعالار. ولار 30,6 ملرد تەڭگەگە 243 نىساندى العان.

ايتا كەتەيىك، قازاقستاننىڭ ۇلتتىق ەكونوميكا ءمينيسترى تيمۋر سۇلەيمەنوۆ شىلدە ايىنىڭ باسىندا ۇكىمەتتىڭ وتىرىسىندا جەكەشەلەندىرۋدەن 4-7 ملرد دوللار شاماسىندا تابىس ءتۇسۋى مۇمكىن ەكەنىن ايتقان.

دەسەك تە مينيستر مۇنداي مالىمدەمە جاساعانمەن ازىرگە جەكەشەلەنەتىن نىساندارعا شەتەلدىك ينۆەستورلار قىزىعۋشىلىق تانىتىپ وتىرعان جوق. بۇل جونىندە پرەزيدەنت نۇرسۇلتان نازارباەۆتىڭ «سامۇرىق-قازىنا» قورىنىڭ باسشىسى ومىرزاق شوكەەۆتەن جەكەشەلەندىرۋدىڭ ءۇشىنشى كەزەڭىندە شەتەلدىكتەردىڭ قىزىعۋىشىلىعى نەگە از ەكەنىن سۇراعانىنان-اق اڭعارۋعا بولادى.

“The Qazaq Times”