الماتى ەكونوميكاسى جاندانىپ كەلەدى

2016 جىلى الماتىنىڭ وڭىرلىك جالپى ءونىمىنىڭ كولەمى 10,3 ترلن تەڭگەنى قۇرادى، دەپ حابارلايدى قالا اكىمدىگىنىڭ ءباسپاسوز قىزمەتى.

اكىمدىكتىڭ مالىمەتىنشە، وسى جىلدىڭ 6 ايى ىشىندە ەكونوميكانىڭ بارلىق سالالارىندا ءوسىم بايقالادى: بولشەك ساۋدا 6,8%-عا، كوتەرمە ساۋدا 0,7%-عا، ونەركاسىپ 4,7%-عا، قۇرىلىس 0,7%-عا، بايلانىس 4,9%-عا، اۋىلشارۋاشىلىعى 62,8%-عا ارتقان. تۇرعىن ءۇي سالۋ 15,6%-عا، ينۆەستيتسيا كولەمى 235,7 ملرد.تەڭگەگە ءوسىپ، 12,2%-عا ۇلعايعان. ينفلياتسيا 3,6%-دى، رەسپۋبليكادا 3,7% قۇرايدى.

سونداي-اق، قالادا جۇمىس ىستەيتىن شوب سۋبەكتىلەرىنىڭ سانى - 171,5 مىڭ جانە ولاردىڭ قاتارى وتكەن جىلمەن سالىستىرعاندا 5%-عا وسكەن.

بۇدان بولەك اكىمدىك ۇسىنعان مالىمەتكە سەنسەك، سالىق ءتۇسىمى دە مولايعان. الماتى قالاسىنان رەسپۋبليكالىق بيۋدجەتكە 645,2 ملرد تەڭگە تۇسكەن، بۇل وتكەن جىلدىڭ وسى كەزەڭىمەن سالىستىرعاندا 9%-عا (51,1 ملرد. تەڭگە) كوپ. جەرگىلىكتى بيۋدجەتكە 184,2 ملرد تەڭگە سالىق قۇيىلعان، 9%-عا (15,2 ملرد تەڭگە) كوپ. تۇراقتىلىق جاعدايىندا قالادا جىل اياعىنا دەيىن ءوسىم دەڭگەيى ارتادى دەپ كۇتىلۋدە.

جالپى، 2017 جىلعى قالا بيۋدجەتى 542,4 ملرد تەڭگەنى قۇرايدى. وتكەن جىلى ۇنەمدەۋدىڭ ارقاسىندا جەرگىلىكتى بيۋدجەت 33 ملرد تەڭگەگە نەمەسە 50%-عا ارتتى. وتكەن جىلمەن سالىستىرعاندا جولداردى جوندەۋ مەن قۇرىلىس سالۋعا 2,8 ەسە، ال ينجەنەرلىك جەلىلەرگە 1,9 ەسە، اباتتاندىرۋعا 2,7 ەسە كوپ اقشا بولىنگەن.