ۆەنەسۋەلادا ەل ۇكىمەتىنە قارسى جالپىحالىقتىق كوتەرىلىس باستالادى

ۆەنەسۋەلانىڭ وپپوزيتسياسى ەل پرەزيدەنتى نيكولاس مادۋروعا قارسى تاۋلىك بويى تولاستامايتىن جالپىحالىقتىق كوتەرىلىس بولاتىندىعى جونىندە حابارلادى.

بۇل تۋرالى ۇلتتىق اسسامبلەيا توراعاسىنىڭ ورىنباسارى فرەددي گەۆارا: «ءبىز 20 شىلدە كۇنى 24 ساعاتقا سوزىلاتىن تاۋلىكتىك جالپىحالىقتىق كوتەرىلىس بولاتىنىن جاريالايمىز»، -دەدى.

جۋىردا ۆەنەسۋەلادا رەسمي مارتەبەسى جوق، حالىقتىق رەفەرەندۋم وتكىزىلگەن. رەفەرەندۋمعا قاتىسقان 7,2 ملن ادامنىڭ باسىم كوپشىلىگى نيكولاس مادۋرونىڭ باستاماسىمەن كونستيتۋتسيانى وزگەرتۋ ماقساتىندا قۇرىلعالى جاتقان قۇرىلتاي جينالىسىنا قارسى داۋىس بەردى.

مەملەكەت بيلىگى حالىقتىق رەفەرەندۋمنىڭ ەشقانداي زاڭدىق كۇشى جوق دەپ تاۋىپ، 30 شىلدەگە بەلگىلەنگەن قۇرىلتاي جينالىسىنا سايلاۋدان باس تارتپايتىندارىن مالىمدەدى.

ەستەرىڭىزگە سالا كەتەيىك، ۆەنەسۋەلادا اعىمداعى جىلدىڭ ءساۋىر ايىنان باستاپ، نيكولاس مادۋرونىڭ ۇكىمەتىنە قارسى كوتەرىلىستەر جالعاسىن تاۋىپ كەلەدى. حالىق نيكولاس مادۋرونىڭ جەكە باسىنىڭ قۇزىرەتتىلىگىن ارتتىرۋعا جاساعان قادامدارى مەن كونستيتۋتسيانى وزگەرتۋ تۋرالى شەشىمىنە نارازى.

“The Qazaq Times”