قىتايدا ەل بيلىگى بارلىق الەۋمەتتىك جەلىلەردەن ۋولت ديسنەيلىك مۋلتفيلم كەيىپكەرى ۆيني پۋحتىڭ سۋرەتتەرىن الىپ تاستادى دەپ حابارلايدى Financial Times باسىلىمى.

باسىلىمنىڭ مالىمەتىنشە، رەسمي بەيجىڭ بۇل قادامعا قىتاي باسشىسى شي ءجيڭپيڭدى ۆيني پۋحقا تەڭەگەن سۋرەتتەردىڭ الەۋمەتتىك جەلىلەردە كوپتەپ تاراپ كەتۋىنەن كەيىن بارعان.

وسىعان بايلانىستى سۋرەتتى الەۋمەتتىك جەلىلەردە ءوز پاراقشاسىنا جاريالاعان بىرنەشە ادام قاماۋعا دا الىنعان.

ازىرگە قىتاي بيلىگى بۇل ىسكە بايلانىستى ەشقانداي رەسمي مالىمدەمە جاساماعان.

Financial Times گازەتىنىڭ ايتۋىنشا، قىتاي بيلىگى كۇزدە وتەتىن قىتاي كوممۋنيستىك پارياسىنىڭ كەزەكتى سەزى قارساڭىندا الەۋمەتتىك جەلىلەردە تسەنزۋرانى كۇشەيتكەن.

“The Qazaq Times”