قازاقستاننىڭ ۇزدىك جوعارعى وقۋ ورىندارىنىڭ رەيتينگى جاسالدى

ءبىلىم بەرۋ ساپاسىن قامتاماسىزداندىرۋ تاۋەلسىز قازاقستاندىق اگەنتتىگى (بسقا) جىل سايىنعى توعىزىنشى ۇزدىك جوعارعى وقۋ ورىندارىنىڭ ۇلتتىق رەيتينگىن جاريالادى.

ۇلتتىق رەيتينگ حالىقارالىق ساراپشىلارمەن ماقۇلدانىپ، شەت ەلدىك باسىلىمدار مەن كونفەرەنتسيالاردا تانىستىرىلدى.

جوعارعى وقۋ ورىندارىن باعالاۋ ءۇشىن ءۇش كريتەري قولدانىلعان: مەكەمەنىڭ ءبىلىم بەرۋ جانە عىلىمي زەرتتەۋ پارامەترلەرى، اكادەميالىق قاۋىمداستىق وكىلدەرىنىڭ اراسىنداعى بەدەلى مەن جۇمىس بەرۋشىلەردىڭ پىكىرى.

بيىلعى جوعارعى وقۋ ورىندارىنىڭ ۇلتتىق رەيتينگىنە كوپبەيىندى، تەحنيكالىق، مەديتسينالىق، پەداگوگيكالىق، گۋمانيتارلىق-ەكونوميكالىق باعىتتاعى، بارلىعى – 61 جوعارعى وقۋ ورنى قاتىستى. دەگەنمەن ۇزدىك ۋنيۆەرسيتەتتەر رەيتينگىنە ونىڭ 57-ءسى عانا كىرگەن. رەيتينگكە ىلىنبەي قالعان ءبىلىم وردالارى بسقا-دان وزدەرىنە جاسالعان تالداۋ قورىتىندىسىن الۋىنا بولادى.

سونىمەن، كوپبەيىندى ۋنيۆەرسيتەتتەر رەيتينگىندە كوش باستاپ تۇرعان – ءال-فارابي اتىنداعى قازاق ۇلتتىق ۋنيۆەرسيتەتى. ەكىنشى ورىنعا – ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى، ءۇشىنشى ورىنعا – م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى تۇراقتاعان.

رەيتينگتىڭ تولىق نۇسقاسىن ءبىلىم بەرۋ ساپاسىن قامتاماسىزداندىرۋ تاۋەلسىز قازاقستاندىق اگەنتتىگىنىڭ سايتىنان http://nkaoko.kz قاراۋعا بولادى.

“The Qazaq Times”