الماتىنىڭ ۇلكەن اينالما كولىك جولى قۇرىلىسىن سالۋعا 150 ملرد تەڭگە قاجەت، دەپ مالىمدەدى قر ينۆەستيتسيالار جانە دامۋ مينيسترلىگى اۆتوكولىك جولدارى كوميتەتىنىڭ توراعاسى مەرەكە پىشەمباەۆ.
«ءبىرىنشى قۇرىلىس مونتاج جۇمىسىنىڭ (قمج) جوباسى 124 ملرد تەڭگە بولعان. بۇل ءۇش جىلدىق جوبا. قازىر ءبىز تەحنيكالىق-ەكونوميكالىق نەگىزدەمەنى جاڭارتىپ، ەسەپتەدىك. ەندىگى قمج قۇنى 150 ملرد تەڭگەنى قۇرايدى", - دەدى ول استانادا وتكەن بريفينگتە.
الايدا مەرەكە پىشەمباەۆتىڭ سوزىنشە، قۇرىلىس كونكۋرسىندا جەڭىسكە جەتكەن كومپانيالار 15-20 جىل ارالىعىندا جول قىزمەتىن قامتاماسىز ەتۋ كەرەك. بۇل قىزمەتتىڭ قۇنى قانشا بولاتىنى ازىرگە مينيسترلىك ەسەپتەمەگەن.
«كونكۋرس شارتى بويىنشا بەلگىلى ءبىر كومپانيا جەڭەتىن بولسا، وعان 15-20 جىل ىشىندە ءبىر رەت تولىققاندى جوندەۋ جۇمىسى جانە ەكى رەت ورتاشا جوندەۋ جۇمىسى قوسىلادى. بىراق ونىڭ سوماسى ءالى ناقتىلانىپ جاتىر، مەن ازىرگە قمج تۋرالى ايتا المىن", - دەدى ول.
ال كونكۋرس جەڭىمپازدارى كۇزدە بەلگىلى بولادى. "قازىر مەملەكەتتىك كوميسسيامەن كەلىسىم جۇرگىزىلىپ جاتىر. كۇزدە ناقتى ايتىلادى", - دەدى مينيسترلىك وكىلى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى