فوتو: ۋرالسكوي نەدەلي

استانا اكىمدىگى اپپاراتىنىڭ جينالىسىندا قالا اكىمى اسەت يسەكەشەۆ اۋدان اكىمدەرىنە قار تۇسكەنشە جوندەۋ جۇمىستارى ءجۇرىپ جاتقان جولداردى رەتتكە كەلتىرۋدى  تاپسىردى، - دەپ حابارلايدى اكىمدىكتىڭ ءباسپاسوز قىزمەتى.

قالادا ءۇش اۋدانىندا تۇرعىن ءۇي كەشەندەرىنىڭ اۋلالارىن اباتتاندىرۋ جۇرۋدە.

الماتى اۋدانى اكىمىنىڭ ورىنباسارى تالعات تىلەۋوۆتىڭ سوزىنشە، تازالىق جانە جىلىتۋ ماۋسىمى بويىنشا جۇمىستار ويداعىداي.

ال ەسىل اۋدانىندا دا اباتتاندىرۋ جۇمىستارى جوسپارعا سايكەس جۇرگىزىلۋدە. «قۇلاگەر 1»، «قۇلاگەر 2»، «قۇلان»، «ساۋران» تۇرعىن ءۇي كەشەندەرى مەن «تريۋمفالنىي»  ساياباعى اباتتاندىرىلعان.

«ءبىز 270 كولىككە ارنالعان اۆتوتۇراق ورنىن جانە اۋلاارالىق جولداردى اياقتادىق، ونىڭ ىشىندە 23-ءى  دايىن، قالعانىن كەلەر جىلى اياقتايمىز»، - دەدى ەسىل اۋدانىنىڭ اكىمى ەرماعانبەت بولەكپاەۆ.

سونداي-اق، سارىارقا اۋدانىندا 195 اۋلا اباتتاندىرىلعان جانە 60-ىندا اسفالت توسەلگەن.

«بۇل باعىتتا جۇمىستار جالعاسۋدا،  كۇن رايى قولايلى بولسا جۇمىس جۇرە بەرەدى. جىل باسىنان بەرى 75 ۇيگە 114 جارىق ورناتتىق، الداعى ۋاقىتتا 244 ءۇيدى قامتىپ، جىل سوڭىنا دەيىن اياقتاۋ جوسپاردا بار»، - دەپ ايتتى سارىارقا اۋدانى اكىمى ارمان تۇرلىبەك.

“The Qazaq Times”