جەكە كۋالىككە دونار بولۋ تۋرالى كەلىسىمدى ەنگىزۋگە بولادى

جەكە كۋالىككە نەمەسە جۇرگىزۋشى كۋالىگىنە دونار بولۋعا كەلىسىم جازباسىن ەنگىزۋگە بولادى. قازىرگى كەزدە دەنساۋلىق ساقتاۋ مينيسترلىگىندە وسى جوبا جاسالىپ جاتىر.  بۇل تۋرالى ۆەدومستۆو باسشىسى ەلجان ءبىرتانوۆ 5-ءشى حالىقارالىق "دەنساۋلىق ءبارى ءۇشىن" اتتى كونگرەسستە مالىمدەدى. 

ونىڭ سوزىنشە، قازىرگى تاڭدا 3 مىڭنان اسا قازاقستاندىق ءتۇرلى ورگانداردىڭ ترانسپلانتاتسياسىن قاجەت ەتەدى. ال ورگانداردى اۋىستىرۋ وپەراتسيالارىمەن 10 مەديتسينا ورتالىعى اينالىسادى.

«ءبىز "ازاماتتارعا ارنالعان ۇكىمەت" ەلەكتروندى جۇيەسى ارقىلى ءاربىر ادام دونار بولۋعا قاتىستى كەلىسىمى مەن ءوتىنىشىن جازىپ قالدىرا الۋ ماسەلەلەلەرىن قاراپ جاتىرمىز. كوپتەگەن ەلدەردە بۇل جۇرگىزۋشى كۋالىگى مەن جەكە كۋالىگىندە كورسەتىلەدى", - دەدى ول.

ايتا كەتەيىك، بۇعان دەيىن مينيستر ادام مەزگىلسىز قايتىس بولعان جاعدايدا ونىڭ ورگاندارىن تۋىستارىنىڭ رۇقساتىنسىز دونورلىققا الۋعا بولاتىنى تۋرالى زاڭدا قاراستىرىلعانىن ايتقان.

 “The Qazaq Times”