بۇگىن استاناداعى قازمەديا ورتالىعىندا ەسەپ بەرۋ ماقساتىندا وتكەن حالىقپەن كەزدەسۋ بارىسىندا قر اقپارات جانە كوممۋنيكاتسيالار ءمينيسترى داۋرەن اباەۆ جۋرناليستەردى باسپانامەن قامتاماسىز ەتۋ ماسەلەسىن شەشۋ تۋرالى دا ءسوز قوزعادى.  

مينيستر: «جۋرناليستەرگە ءۇي بەرۋ ماسەلەسىندە  ءبىز قولىمىزدان كەلگەنىن جاسايمىز، كومەكتەسەمىز.  بىراق، ءبىر نارسەنى ءتۇسىنۋىمىز كەرەك.  جۋرناليستەر بيۋدجەتتىك مەكەمە قىزمەتكەرلەرى قاتارىنا جاتپايدى. ماسەلەن، باسقا جەكەمەنشىك گازەتتەردە جۇمىس ىستەپ، جوعارى جالاقى الۋ مۇمكىنشىلىگى بار  دەپ ەسەپتەلىنەدى. سوندىقتان بۇل تۇرعىدا وسى وي-سانانى وزگەرتۋ دە قيىن. بىراق، ءبىز ارنايى جۇمىس ىستەپ جاتىرمىز»، - دەگەن بولاتىن.

سونىمەن قاتار ول، مينيسترلىك ءىرى بۇقارالىق اقپارات قۇرالدارىنا  ەكىنشى دەڭگەيلى بانكتەردىڭ الدىندا كەپىل بولۋى ارقىلى دا كومەك بەرۋى مۇمكىن ەكەندىگىن اتاپ ءوتىپ: «باسقاشا  جولىن قاراستىرۋ قيىن بولىپ تۇر. ويتكەنى باق وكىلدەرىنىڭ 90 پايىزى جەكەمەنشىك سانالادى. ال ولار جەكەمەنشىك  بولعاندىقتان مەملەكەت كومەك بەرە الماي وتىر. ءبىز مەملەكەت تارابىنان تاپسىرىس  بەرىپ، سول ارقىلى جەكەمەنشىك باق-تى جاڭا دەڭگەيگە كوتەرۋگە كومەكتەسە الامىز»، - دەدى داۋرەن اباەۆ.

“The Qazaq Times”