يران اقش-تىڭ ەڭ ۇلكەن تەرروريستىك ەل ەكەنىن دالەلدەيتىن قۇجاتقا قول جەتكىزدى

يران قارۋلى كۇشتەرىنىڭ ورىنباسار شتاب باستىعى مۇستافا يزادي  11 ماۋسىم كۇنى حابارلاما جاريالاپ، اقش-تىڭ «يسلام مەملەكەتى» تەررورلىق ۇيىمىن تىكەلەي قولداپ وتىرعانىن راستايتىن قۇجاتتار مەن دالەلدەمەلەرگە قول جەتكىزدى دەدى. بۇل تۋرالى «پارسى.اقپارات» اگەنتتىگىنە سىلتەمە جاساي وتىرىپ، قىتايلىق «شينحۋا» اگەنتتىگىنىڭ رەسمي سايتى – Xinhua.net حابارلاپ وتىر.

مۇستافا يزاديدىڭ مالىمدەمەسىندە: «ءبىز ايماقتاعى ءبىر ءتۇرلى «وكىلدىك سوعىس» كۇشتەرىنە تاپ بولىپ وتىرمىز.  بۇل يراننىڭ جاڭا جاسىرىن كۇشتەرگە قارسى كۇرەس جۇرگىزۋگە ەرىكسىز ءماجبۇر ەتەدى»، – دەدى. ول جانە سوزىنە ەلدىڭ رۋحاني كوسەمى اياتوللا حومەنيدىڭ سوزىنە سىلتەمە بەرە وتىرىپ، يران جاعىنىڭ «يسلام مەملەكەتى» لاڭكەستىك ۇيىمىن تىكەلەي قولداۋشى اقش ۇكىمەتى ەكەنىن دالەلدەيتىن قۇجاتتارعا قول جەتكىزگەنىن ايتىپ ءوتتى. ول جانە: «وكىنەرلىگى – زالىم قولداۋشى مەن سۇرقيا توپ كوپتەگەن يسلام ەلدەرىن ىشىنەن ءىرىتىپ، كۇيرەتىپ ءبىتىردى. اقش بولسا "يسلام مەملەكەتى" ۇيىمىنىڭ ارتىنا جاسىرىنعان ناعىز تەرروريست ەل»، – دەگەن پىكىرىن ءبىلدىردى.

الايدا، «Russia Today» تەلەارناسىنىڭ 11 ماۋسىم كەشتە تاراتقان حابارىندا،  يراننىڭ بۇل دالەلدەمەلەر مەن قۇجاتتاردى اشىپ كورسەتپەگەنىن ايتىپ ءوتتى.

9 ماۋسىم كۇنى يران ۇكىمەتىنىڭ رەسمي مالىمدەمەشىسى الي لاريجاني دە وسىعان ۇقساس ەسكەرتۋ جاساعان بولاتىن. ول سوزىندە: «اقش ۇكىمەتى قورقىنىشتى لاڭكەستىك ۇيىمداردى قولداۋشى ەڭ قاۋىپتى ەل»، – دەپ كەسەتتى. دەسە دە، اياتوللا حومەني «اقش سۇرقيالىعى يراندىقتاردىڭ بىرلىگى مەن سەنىمىن بۇزا المايدى. يراندىقتار سۇرقيا جاۋلارمەن بىرلىكتە كۇرەسەتىن بولادى»، – دەگەن بولاتىن.

“The Qazaq Times”