قاشقىندار تاعدىرى جانە «يسلام مەملەكەتىمەن» شەشۋشى سوعىس

سۇرياداعى «يسلام مەملەكەتى» ۇيىمىنىڭ ەڭ سوڭعى بەكىنىستەرىنە شابۋىل جاساپ جاتقان «ءسۇريانىڭ دەموكراتيالىق كۇشتەرى» ءبىر اپتادان كەيىن تولىقتاي جەڭىسكە جەتەتىندەرىن حابارلاۋدا. وزدەرىن «يسلام مەملەكەتى» دەپ اتاپ «حاليفات» جاريالاعان ەكسترەميستىك توپتىڭ سودىرلارى سوڭعى تۇراقتارىن قورعاپ قالۋعا بار كۇشتەرىن سالىپ جاتقانى دا بەلگىلى. قازىرگى ماسەلە تەررورلىق توپتىڭ باقىلاۋىنداعى ايماقتاردان قاشىپ شىعىپ جاتقان اش ءارى اۋرۋشاڭ بوسقىندار.

بۇل بوسقىنداردىڭ كوبى «يسلام مەملەكەتى» ۇيىمىنا قاتىسقان سودىرلاردىڭ وتباسى مەن تۋىستارى. اتالعان تەررورلىق ۇيىمنىڭ زاردابى تيگەن جانە قۇربانى بولعان ادامدار ميلليونداپ سانالادى. كوبىنە-كوپ، يراك، ءسۇريا جانە ليۆيا جەرىندەگى جيھادشىلار قولىن قانعا مالىپ، ۇرىس دالاسىنا كىردى. ولاردىڭ وتباسى مەن تەررورشىلدار باقىلاۋىنا العان ايماقتاردىڭ تۇرعىندارى دەرلىكتەي «يم» قۇرباندارى دەسە دە بولادى.

سوڭعى اپانىنا شابۋىل جاساۋدان بۇرىن نەمەسە وق اتىسپاۋ كەلىسىمى جاسالعان تۇستا بۇل ايماقتان 6 مىڭنان استام ايەلدەر مەن بالالار شىعارىلعان ەدى. ولاردىڭ كوبى جارالى جانە اۋىرۋ، بالالاردى اشتىق مەڭدەتكەن. وسىلايشا «حاليفات قۇرۋ» قيالىنداعى جيھادشىلاردىڭ وتباسى قازىر يراك پەن سۇرياعا شەكارا ماڭىنداعى ءشول دالاداعى شاتىرلاردا ءومىر ءسۇرىپ جاتىر.

بۇل يراكتاعى كۇرد اكىمشىلىك ايماعى. ولار كەلگەن قاشقىنداردى بىردەن تەكسەرىپ قابىلداۋدا. اسىرەسە، ەر ادامداردى سۋرەتكە ءتۇسىرىپ، بيومەتريكالىق مالىمەتتەر جيناقتاۋدا. دەگەنمەن، كۇردتەردىڭ بۇل بوسىپ قاشقان، پاناسىز توپتى قانشا ۋاقىتقا دەيىن ۇستاپ وتىرا الاتىنىن بەلگىسىز.

كۇردتەردىڭ قولىندا قاماۋداعى تۇتقىنداردىڭ كوزقاراستارى ءارتۇرلى. بىرەۋى، ءبارىن تاستاپ تۋىستارىنىڭ جانىنا ورالعىسى كەلسە، كەي ءبىرى ىستەگەن ىستەرىنە وكىنبەيدى. ءتىپتى، اراسىندا شەشۋشى سوعىسقا قايتا بارعىسى كەلەتىندەرى دە بار.

حالىقارالىق كواليتسيا كۇشتەرى كۇرتتەردى «يم» توبىنىڭ قاشقىندارىن قاماۋعا الىپ، بوساتپاي تۇرۋعا شاقىرادى. تەررورلىق توپتىڭ سوڭعى بەكىنىستەرىنەن قاشقاندار يراكتىڭ ەل-حاساكا قالاسىنا جاقىن ماڭداعى، ءال-حوۋل اۋىلىنا توپتاستىرىلعان. بىرنەشە اپتادان بەرى باعۋزدان كەلگەن قاشقىنداردىڭ اياعى ۇزىلمەگەن ەدى، سوڭعى بىرنەشە كۇندە تولاستاپ قالعان.

ولارعا مەديتسينالىق جاردەم كورسەتىپ جاتقان Free Burma Rangers قايىرىمدىلىق ۇيىمىنىڭ مالىمەتىنە قاراعاندا، العاشىندا وق ءتيىپ جارالانعاندار جەتكىزىلىپ تۇرعان، كەيىن تەك قانا زىمىران جانە اۋە شابۋىلدارىنان زارداپ شەككەندەر جەتكىزىلۋدە. قازىر ءتىپتى جارالىلار جەتكىزىلمەي قالعان. سەبەبى، الدا بىرنەشە كۇندە شەشۋشى سوعىس باستالماق.

ءال-حوۋلداعى قاشقىندار لاگەرىنە گۋمانيتارلىق كومەكتەر كەرەك. بىراق، بۇل گۋمانيتارلىق جانە مەديتسينالىق كومەكتەر ولاردىڭ تاندىك قاجەتى مەن جاراقاتىن جازعانىمەن رۋحاني سىرقاتىن ەمدەي الماق ەمەس. ەكسترەميستىك توپتىڭ قۇرساۋىنداعى تاعدىرلار ولاردان الىستاسا دا، ءتىپتى ساناۋلى كۇندە «يم» كۇشتەرى تولىق تالقاندالاتىنىن بىلسە دە وزدەرىنىڭ اۋەلگى ويىنان اينۋعا نيەتى جوق.

ولاردىڭ اراسىندا ءبىزدىڭ بۇرىنعى وتانداستارىمىز دا، نەمەسە ولاردىڭ قولدان-قولعا وتكەن ايەلدەرى مەن بالالارى دا بار بولۋى مۇمكىن. بۇل داعى مەملەكەت پەن قوعامدى الداعى قاتەر مەن بورىشقا قاتار دايىن بولۋعا شاقىراتىنداي.

“The Qazaq Times”