تۇلەكتەر بيگە باستى. فوتو: od.gov.kz

كەشە استانا، الماتى، قاراعاندى جانە شىمكەنت قالالارىندا شوعىرلانعان«جاس ۇلان» رەسپۋبليكالىق مەكتەپتەرىنىڭ 749 تۇلەگى مەكتەپكە قوش ايتتى. بۇل تۋرالى قورعانىس مينيسترلىگىنىڭ رەسمي سايتى حابارلادى. 

ءىس-شارا «جاس ۇلان» تاربيەلەنۋشىلەرىنىڭ سالتاناتتى ساپ تۇزەۋى مەن وقۋ مەكەمەسىنىڭ تۋىن الىپ شىعۋ راسىمىنەن باستالدى. ءسوز سويلەۋ بارىسىندا استانا ق. 3-ءشى وقۋ روتاسىنىڭ جاس ۇلانى الەكس جۇماعۇلوۆ بارلىق تاربيەلەنۋشىلەردىڭ اتىنان قامقورلىق تانىتقان قر قورعانىس مينيسترلىگىنىڭ باسشىلىعىنا العىس ءبىلدىرىپ، بولاشاقتا جاسۇلاندىقتار ۇلان دەگەن اتاق پەن ابىرويعا كىر كەلتىرمەس ءۇشىن بارلىق كۇش-جىگەرلەرىن سالاتىندارىنا ۋادە بەردى. بۇگىنگى تاڭدا «جاس ۇلان» رەسپۋبليكالىق مەكتەپتەرىندە وقۋ مەن سپورتتا دارىندى تاربيەلەنۋشىلەر، وبلىستىق، رەسپۋبليكالىق، حالىقارالىق بايقاۋلاردىڭ جەڭىمپازدارى ءبىلىم الىپ جاتقانىن ايتا كەتكەن ءجون.

تۇلەكتەر. فوتو: mod.gov.kz

جاسۇلاندىقتار «ايبىن» اسكەري-پاتريوتتىق جاستار جيىنىنا، مەكتەپ پاندەرى بويىنشاكوپتەگەن حالىقارالىق وليمپيادالارعا بەلسەنە قاتىسادى. بيىلعى جىلى «ساردار» وليمپياداسىنا 12 ۇلان قاتىستى. بۇل سايىستا ولار بارلىق جۇلدەلى ورىنداردى يەلەندى. 2016 جىلدان باستاپ ەلىمىزدىڭ بارلىق رەسپۋبليكالىق اسكەري مەكتەپتەرى قازاقستان رەسپۋبليكاسى قورعانىس مينيسترلىگىنىڭ بىرىڭعاي قاراماعىنا بەرىلگەنىن ەستەرىڭىزگە سالا كەتەيىك. جاسۇلاندىقتاردى وقىتۋ باعدارلاماسىنا مەملەكەتتىك جانە شەت تىلدەرىن، اسكەري پاندەردى تەرەڭدەتىپ وقىتۋ جانە كۇشەيتىلگەن دەنە دايارلىعى كىرەدى. ءبىلىم وشاعىنىڭ ءبىرشاما تۇلەكتەرى وفيتسەر اتانىپ، قازىرگى كەزدە قازاقستاننىڭ قارۋلى كۇشتەرىندە جانە وزگە دە الەۋەتتى قۇرىلىمداردا قىزمەت ەتۋدە.

qazaqtimes.com