حالىق بانكتىڭ باسقارما توراعاسى ءۇمىت شاياحمەتوۆا. فوتو: QT

Qazkom حالىق بانكپەن بولاتىن كەلىسىم اياسىندا ءوزىنىڭ قاراپايىم اكتسيالارىنىڭ سانىن ارتتىرعان. ەگەر قوس بانك اراسىنداعى كەلىسسوزدەر ناتيجەلى اياقتالار بولسا حالىق بانك Qazkom-نىڭ قاراپايىم اكتسيالارىن ساتىپ الۋى مۇمكىن. بۇل تۋرالى بۇگىن  حالىق بانكتىڭ باسقارما توراعاسى ءۇمىت شاياحمەتوۆا مالىمدەدى.

«شىن مانىندە بانكتىڭ قاراپايىم اكتسيالارىن شىعارۋى ءبىزدىڭ ترانزاكتسيالارعا بايلانىستى بولدى. بۇگىن Qazkom قوسىمشا اكتسيا ەميسسيالارى تۋرالى حابارلادى. ەگەر ءبىز كەلىسسوزگە قول جەتكىزسەك جانە بارلىق قۇجاتتارعا قول قويىلاتىن بولسا وندا ءبىزدىڭ بانك Qazkom اكتسيالارىن ساتىپ الۋعا قاتىسادى. ياعني ەميسسيا Qazkom-نىڭ قوسىمشا كاپيلتاندىرۋى اياسىندا وتەدى»، - دەپ اتاپ ءوتتى باسقارما توراعاسى.

ءۇمىت بولاتحانقىزىنىڭ سوزىنشە، Qazkom مەن حالىق بانك اراسىنداعى كەلىسىم وتە كۇردەلى جانە Qazkom-نىڭ اكتيۆتەرىن باعالاۋ ۇزاق ۋاقىتقا سوزىلۋى مۇمكىن. ء"بىز ازىرگە جاعداي تۋرالى جان-جاقتى ايتا المايمىز. الايدا اكتسيالاردى ساتىپ الۋ ناقتى بولادى دەپ ويلايمىن", - دەدى ول.

سونداي-اق، ول بانك اكتسيالارىن ساتىپ العاننان ەكى بانك بىرىگىپ كەتپەيتىنىن تاعى اتاپ ءوتتى. "مەن جىلدىڭ باسىندا ايتقانمىن. كەلىسسوز ساتىپ الۋ پروتسەسى بويىنشا جۇرگىزىلىپ جاتىر. مۇنداي كەلىسسوزدەردىڭ جۇرگىزىلۋى  بانكتەر بىرىگەدى دەگەن ءسوز ەمەس", - دەيدى ءۇمىت شاياحمەتوۆا.

ەسكە سالايىق، وسى جىلدىڭ 2 ناۋرىزىندا قازكوممەرتسبانك حالىق بانككە اكتسيالاردىڭ باقىلاۋ پاكەتىن ساتۋ جايلى وزارا كەلىسىم تۋرالى مەموراندۋمعا قول قويدى.

مەموراندۋمعا قاتىسقان وزگە تاراپتاردىڭ قاتارىندا قازاقستان ۇكىمەتى، ۇلتتىق بانك، قازكوممەرتسبانك، حالىق بانك، بتا بانك پەن كاسىپكەر، Qazkom-نىڭ ءىرى اكتسيونەرى كەڭەس راقىشەۆ بولدى.

“The Qazaq Times”