فوتو: Sputnik

قىزىلوردا قالاسىنداعى جىلۋ ەلەكتر ستانتسياسىن بۇزۋ بارىسىندا جىلىتۋ قازاندىعىنىڭ قۇلاۋى سالدارىنان ءبىر ادام كوز جۇمدى دەپ حابارلادى قر ءىىد توتەنشە جاعدايلار كوميتەتىنىڭ وكىلى رۋسلان يمانقۇلوۆ.

بۇعان دەيىن جەكسەنبى كۇنى قىزىلوردا قالاسىنىڭ جىلىتۋ قازاندىقتارىنىڭ بىرىندە توتەنشە جاعداي ورىن الىپ، ەكى ادام ءۇيىندى استىندا قالىپ قويعاندىعى جايىندا اقپارات تاراعان ەدى.

كەشە  ەكى جۇمىسشىنىڭ بىرەۋى اۋىر جاراقاتپەن جەرگىلىكتى اۋرۋحاناعا جەتكىزىلگەن بولاتىن. ءۇيىندى استىندا قالىپ قويعان ەكىنشى ادامنىڭ جانسىز دەنەسىن بۇگىن تۇنگى ساعات 3:45 كينولوگتار ارەڭ ىزدەپ تاپقان.

“The Qazaq Times”