فوتو: state-usa.ru

اقش  پەن ساۋد ارابياسى اراسىندا اراب ەلىنە  100 ملرد دوللارعا قارۋ ساتۋ تۋرالى كەلىسىم جاقىن ارادا ءوز كۇشىنە ەنۋى مۇمكىن. بۇل تۋرالى اق ءۇيدىڭ باستى دەرەككوزدەرىنە سىلتەمە جاساپ Reuters اگەنتتىگى حابارلاپ وتىر.

ربك اگەنتتىگىنىڭ مالىمەتىنشە، الداعى ون جىلدا تاسىمالداناتىن قارۋلاردىڭ قۇنى 300 ملرد دوللارعا دەيىن كوتەرىلەدى دەگەن بولجام بار. "كەلىسىم اياقتالۋعا جاقىن قالدى", - دەپ جازادى اق ۇيگە سىلتەمە جاساعان Reuters اگەنتتىگى.

اقش پرەزيدەنتى دونالد ترامپ مامىر ايىنىڭ 19-ىندا ساۋد ارابياسىنا بارۋدى جوسپارلاپ وتىر. بۇل ونىڭ پرەزيدەنت بولىپ سايلانعاننان كەيىنگى شەتەلگە العاشقى ساپارى بولماق.

ايتا كەتەيىك، بۇعان دەيىن Bloomberg  اگەنتتىگى ساۋد ارابياسى اقش-قا 40 ملرد دوللار كولەمىندە ينۆەستيتسيا قۇيۋعا نيەتتى ەكەنىن حابارلاعان.

مامىر ايىنىڭ باسىندا Reuters ۆاشينگتون ساۋد ارابياسىنا قارۋ-جاراق جەتكىزۋگە ارنالعان قۇنى ميللياردتاعان دوللاردى قۇرايتىن كەلىسىمشارت جۇمىسىن جانداندىرىپ جاتقانىن مالىمدەگەن. اگەنتتىكتىڭ مالىمەتىنشە، اقش اراب مەملەكەتىنە قولباسشىلىق جانە باسقارۋ جۇيەلەرىن، M2  Bradley جاۋىنگەرلىك كولىگىن، وزدىگىنەن جۇرەتىن M109 ارتيللەرياسىن جەتكىزۋى مۇمكىن.

ال باراك وبامانىڭ كەزىندە ساۋد ارابياسىنا جەتكىزىلەتىن قارۋ كولەمىن قىسقارتۋ تۋرالى شەشىم شىعارىلعان ەدى. سەبەبى سول كەزدەگى اقش بيلىگى ەر-رياد اسكەري وپەراتسيا وتكىزىپ جاتقان يەمەندە  بەيبىت تۇرعىندارعا زيان كەلۋى مۇمكىن دەپ قورىققان.

 “The Qazaq Times”