ەۋروپانى پانا تۇتاتىن بوسقىندار كوبەيدى

ەكى كۇن بۇرىن ليۆيانىڭ تەڭىز شارلاۋشى پوليتسياسى سابراتا قالاسىنا جاقىن تەڭىز ايدىنىندا 300-دەن استام زاڭسىز بوسقىندى قۇتقاردى. تەكسەرە كەلە بوسقىنداردىڭ ساحارانىڭ وڭتۇستىگىندەگى افريكا ەلدەرىنەن ەكەنى بەلگىلى بولدى. ەۋروپانى پانالاۋ ءۇشىن زاڭسىز شەكارا بۇزىپ وتكەن ەكەن.

قىتايدىڭ «حالىق» گازەتىنىڭ رەسمي سايتىنىڭ حابارلاۋىنشا، بوسقىنداردى ءبىر جايلى ەتۋدى ليۆيا ۇكىمەتى ءوز موينىنا الىپ وتىر. اتالعان ەلدىڭ اماندىق قورعاۋ تاراۋلارىنىڭ ايتۋىنشا، العاشىندا تەررورلىق توپ بولۋى مۇمكىن دەگەن كۇمانمەن، قارۋلى پوليتسەيلەر ارقىلى بوسقىندار وتىرعان كەمەنى قورشاۋعا العان. زاڭسىز شەكارا بۇزعانىمەن بوسقىندار قاتارىندا مامىلە جاسالىپ، ۋاقىتشا سابرات قالاسىندا پانالاتپاق. ازاماتتىقتارى راستالعاننان كەيىن مەكەندەرىنە قايتارىلماق.

ەۋروپالىق وداقتىڭ بوسقىندارعا قاراتقان كوزقاراستارىنىڭ وزگەرگەنىنە قاراماستان، ەۋروپا ەلدەرىنە افريكا مەن ورتا-شىعىستان باراتىن بوسقىندار سانى ازايار ەمەس. بۇل ەو-عا مۇشە ەلدەردىڭ قاۋىپسىزدىك ماسەلەسىن ءتىپتى دە قيىنداتا ءتۇستى. وتكەندە اقش مەملەكەتتىك دەپارتامەنتى جاريالاعان بولجام بويىنشا، جاز ايلارىندا ەۋروپا ەلدەرىندە تەررورلىق شابۋىلدار ءجيى تۋىلىپ، ايماقتاعى ەلدەردى ابىگەرگە سالادى دەلىنگەن.

“The Qazaq Times”