قازاقستاننان ورىس تىلدىلەر كەتىپ جاتىر

قازاقستان سوڭعى ءبىر جىلدا ميگراتسيالىق داعدارىسقا تاپ بولىپ، وسى ەلدىڭ ءورىستىلدى ازاماتتارىنىڭ 60 پايىزعا جۋىعى ەلدەن كوشىپ كەتۋگە ىنتا تانىتىپ وتىر. بۇل تۋرالى "فارس" اقپارات اگەنتتىگى حابارلادى.

اگەنتتىكتىڭ ەسەبى بويىنشا، ورتا ازيادا تۇرمىستىق ستاندارتتار بويىنشا كوشباسشى بولعان قازاقستان سوڭعى ءبىر جىلدا قاتتى ميگراتسيالىق داعدارىسقا تاپ بولعان. ساۋالنامالاردىڭ ناتيجەلەرى بويىنشا، وسى ەلدەگى ءورىستىلدى ازاماتتاردىڭ 60 پايىزعا جۋىعى شەتەلگە كوشىپ كەتۋگە ىنتا تانىتىپ وتىر.

قازاقستان ۇلتتىق ەكونوميكا مينيسترلىگى ستاتيستيكا كوميتەتىنىڭ مالىمەتى بويىنشا، 2016 جىلى قازاقستاننان كەتكەن ادامداردىڭ سانى 34 مىڭ 965 ادامعا جەتكەن. بۇل كورسەتكىش 2015 جىلمەن سالىستىرعاندا 16,4 پايىزعا ارتىق. سونىمەن قاتار، كوميتەتتىڭ زەرتتەۋلەرىنە سايكەس، كوشىپ كەتكەن جەرگىلىكتى حالىقتىڭ سانى 32 مىڭ 637 ادامعا جەتكەن.

بولجام بويىنشا، 2016 جىلى 28 مىڭ 677 قازاقستاندىق رەسەيگە، 2 مىڭ 637 ادام گەرمانياعا، 393 ادام بەلورۋسسياعا، 228 ادام امەريكا قۇراما شتاتارىنا، 173 ادام پولشاعا جانە 168 ادام كاناداعا كوشىپ كەتكەن.

ال، قازاقستانعا شەتەلدەن كوشىپ كەلۋشىلەردىڭ دە سانى جىل سايىن ازايىپ كەلەدى. اسىرەسە، كورشىلەس رەسەي، قىتاي، وزبەكستاندا تۇراتىن ەتنيكالىق قازاقتاردىڭ كوپتەپ كوشىپ كەلۋىنە جىل سايىن وزگەرىسكە ۇشىراي بەرەتىن كوشى-قون زاڭى كەدەرگى كەلتىرىپ وتىر.

“The Qazaq Times”