اقۇيدەگى قۇپيا وتىرىس: شەكاراداعى اقش-كورەي ارمياسى ىسكە قوسىلماق

سولتۇستىك كورەيا ماسەلەسىندەگى ەڭ جاڭا جاعداي: اق ۇيدە قۇراما شتاتتىڭ 100-گە جۋىق ەڭ جوعارى لاۋازىمدىلارى قاتىسقان قۇپيا جينالىس ءوتتى.  اقش ۇكىمەتى ىسكە كىرىستى. سولتۇستىك كورەياعا بارلىق مۇمكىندىكتى پايدالانا وتىرىپ قىسىم تۇسىرمەك. ارى قاراي تولىق ماتىننەن كورە الاسىز.

ترامپ ۇكىمەتى حابارلاما جاريالاپ، سولتۇستىك كورەيانىڭ يادرولىق باعدارلاماسىنىڭ كەڭەيۋىن توسۋ ءۇشىن، ديپلوماتيالىق قىسىمدار مەن اسكەري ارەكەتتەردى بىرلەستىرۋ جوسپارىن جۇزەگە اسىراتىندارىن ايتتى. بۇل تۋرالى "The Wall Street Journal" حابارلاپ وتىر.

اقش مەملەكەتتىك حاتشىسى تيللەرسون بۇۇ قاۋىپسىزدىك كەڭەسىنىڭ جۇما كۇنى وتەتىن ارنايى وتىرىسىندا، قحدر-عا قاراتا قاتاڭ ەكونوميكالىق سانكتسيا سالۋ مەن سولتۇستىك كورەيانى وقشاۋلاۋ جوسپارىن ۇسىناتىنى ءمالىم بولدى.  وسىدان بۇرىن اق ۇيدە بارلىق سەناتورلاردى قامتىعان قۇپيا جينالىس بولعانىن ايتقان ەدىك. تيللەرسون وسى ماجىلىستە بايانداما جاساعان نەگىزگى باسشىلاردىڭ ءبىرى بولدى.

اقش مەملەكەتتىك دەپارتامەنتىنىڭ ايتۋىنا قاراعاندا، تيللەرسون ءبىر قاتار تۇبەگەيلى بىرجاقتى ەتۋ شارالارىن جوسپارلاۋ ۇستىندە. ايتالىق، وزگە ەلدەردەن سولتۇستىك كورەيانىڭ ەلشىلىكتەرى مەن باسقا دا ديپلوماتيالىق كوزدەرىن شىعارىپ تاستاۋدى تالاپ ەتەدى.

وسىمەن ءبىر ۋاقىتتا، قۇراما شتاتتىڭ ازياداعى قارۋلى اسكەرلەر كوميتەتىنىڭ راستاۋىندا، اقش تەڭىز ارميا قارۋلى كۇشتەرى كورەي تۇبەگى ماڭىنا جينالاتىنى دا انىق بولدى. دەگەنمەن ديپلوماتيالىق شەشۋ جولىن قاراستىرۋ ءبىرىنشى كەزەككە قويىلدى دەپ وتىر.

اقش-تىڭ تىنىق قولباسشىلىعى اسكەرلەرىنىڭ قولباسشى ادميرالى حارريس كەڭەستە سويلەگەن سوزىندە: «اقش تارابى كيم جوڭ ءۋندى (Kim Jong Un) باعىندىرايىن دەپ وتىرعان جوق. تەك، مۇنداي جاعدايدا كۇشتى قارسىلىق تانىتپاۋىن قالايدى. ونىڭ تاڭداۋى اقش مەملەكەتتىك دەپارتامەنتىنىڭ كەلەسى قادامداعى شەشىم جاساۋىندا باستى ءرول وينايدى»، – دەدى.

اقش ۇكىمەتىنىڭ جوعارى لاۋازىم وكىلىنىڭ ءبىرى امەريكا قۇراما شتاتتارىنىڭ جاقىن ارادا قحدر-عا قاتاڭ ەكونوميكالىق جازا دايىنداپ وتىرعانىن ايتتى. وعان قوسا اسكەري قىسىم جاساۋعا دا ءازىر ەكەندىكتەرىن ءبىلدىردى. بۇل اق ءۇي وكىلىنىڭ ايتىسىنا قاراعاندا، قاتاڭ ەكونوميكالىق جانە اسكەري قىسىم سولتۇستىك كورەيانىڭ يادرولىق باعدارلاماسى جانە بالليستيكالىق زىمىرانداردى دامىتۋ ىسىنە مۇمكىندىك بەرەتىن بارلىق سالالارعا باعىتتالاتىندىعىن ەسكەرتتى.

كىشى بۋشتىڭ كەزىندە سولتۇستىك كورەيا يادرولىق شارتتى كەلىسىمگە كەلىپ، يادرولىق قاۋىپتى ەلدەر قارا تىزىمىنەن وشىرىلگەن بولاتىن. الايدا، كەيىن يادرولىق قارۋدى دامىتۋدى قايتا قولعا الدى. بۇل رەتكى اق ءۇي جاساعالى وتىرعان قادامدا سولتۇستىك كورەيانى يادرولىق قاۋىپتى ەل تىزىمىنە ەنگىزۋ دە قاراستىرىلادى. اق ءۇي وكىلىنەن اسكەري قىسىمداردىڭ ناقتى مازمۇنىن سۇراعان كەزدە ول: « بارلىق تۇردەگى اسكەري ارەكەتتىڭ تۋىلۋى مۇمكىن»، – دەدى.

حارريس: «اقش سولتۇستىك كورەيادا اسكەري وپەراتسيالاردىڭ كوپتەگەن ءتۇرىن ىسكە قوسپاق. كەرەك بولعان جاعدايدا كۇشتى اسكەري شابۋىل، قحدر رەجيمىنە اسەر ەتەتىن بولادى»، – دەدى. اسكەري وپەراتسيالار ناقتى جوسپارى تۋرالى سۇراعاندا ول: « وڭتۇستىك-سولتۇستىك كورەيا شەكاراسى ماڭىنداعى اقش-كورەيا بىرلەسكەن قوسىنى ىسكە قوسىلادى. الايدا، حالىق تىعىز ورنالاسقان كورەيا استاناسى سەۋل ولاردىڭ باستى نىساناسى بولۋى مۇمكىن.

اقش قارۋلى كۇشتەرى بەلسەندىلىك تانىتقانىمەن،  ۇكىمەتتىڭ كەيبىر لاۋازىمدىلارى جانە سەناتورلار ترامپتى سابىرعا شاقىرىپ وتىر. كەشەگى كۇنى اق ۇيدە وتكەن قۇپيا كەڭەسىنە 100-گە جۋىق ەڭ جوعارى شەندىلەر قاتىستى. بۇل ترامپقا سولتۇستىك كورەيا قاتەرىنىڭ سالماقتىلىعىن سەزىنۋگە مۇمكىندىك بەرەدى. سونداي-اق، سولتۇستىك كورەيا باسشىسىن قامتىعان تاراپتاردىڭ بارعان سايىن قالىپسىز تارتىپ، قارسىلىققا بەيىم بولا باستاعانىن تولىق تۇسىندىرەتىنى انىق.

اق ۇيدە وتكەن ءبىر رەتكى قۇپيا وتىرىس، قۇراما شتاتتىڭ بارلىق اسكەري جانە ۇكىمەتتىك ورگاندارىن ابىگەرگە سالدى. ترامپ ۇكىمەتكە سولتۇستىك كورەيانىڭ ءدال قازىرگى جاعدايىن تولىقتاي باعالاۋعا تاپسىرما بەردى. ولاردىڭ قاراۋىنشا قىتاي سولتۇستىك كورەياعا بەلگىلى دارەجەدە كۇش قولدانۋعا تىكەلەي قارسى ەمەس. الايدا، ولاردى الاڭداتاتىنى اسكەري ارەكەتتىڭ ناتيجەسى بىرنەشە كۇندە كورىنە قالمايدى. بىرنەشە ايعا سوزىلعان قارۋلى قاقتىعىس ورىن السا، «ءتۇن ۇزارسا، ءتۇس كوبەيەدىنىڭ» اياعىن قۇشپاق.

The Qazaq Times