Soltüstik Koreya mäselesindegi eñ jaña jağday: Aq üyde Qwrama Ştattıñ 100-ge juıq eñ joğarı lauazımdıları qatısqan qwpiya jinalıs ötti.  AQŞ ükimeti iske kiristi. Soltüstik Koreyağa barlıq mümkindikti paydalana otırıp qısım tüsirmek. Arı qaray tolıq mätinnen köre alasız.

Tramp ükimeti habarlama jariyalap, Soltüstik Koreyanıñ yadrolıq bağdarlamasınıñ keñeyuin tosu üşin, diplomatiyalıq qısımdar men äskeri äreketterdi birlestiru josparın jüzege asıratındarın ayttı. Bwl turalı "The Wall Street Journal" habarlap otır.

AQŞ Memlekettik hatşısı Tillerson BWW Qauipsizdik keñesiniñ jwma küni ötetin arnayı otırısında, QHDR-ğa qarata qatañ ekonomikalıq sankciya salu men Soltüstik Koreyanı oqşaulau josparın wsınatını mälim boldı.  Osıdan bwrın Aq üyde barlıq senatorlardı qamtığan qwpiya jinalıs bolğanın aytqan edik. Tillerson osı mäjiliste bayandama jasağan negizgi basşılardıñ biri boldı.

AQŞ Memlekettik departamentiniñ aytuına qarağanda, Tillerson bir qatar tübegeyli birjaqtı etu şaraların josparlau üstinde. Aytalıq, özge elderden Soltüstik Koreyanıñ elşilikteri men basqa da diplomatiyalıq közderin şığarıp tastaudı talap etedi.

Osımen bir uaqıtta, Qwrama Ştattıñ Aziyadağı qarulı äskerler komitetiniñ rastauında, AQŞ Teñiz armiya qarulı küşteri Korey tübegi mañına jinalatını da anıq boldı. Degenmen diplomatiyalıq şeşu jolın qarastıru birinşi kezekke qoyıldı dep otır.

AQŞ-tıñ Tınıq qolbasşılığı äskerleriniñ qolbasşı admiralı Harris keñeste söylegen sözinde: «AQŞ tarabı Kim Joñ Undi (Kim Jong Un) bağındırayın dep otırğan joq. Tek, mwnday jağdayda küşti qarsılıq tanıtpauın qalaydı. Onıñ tañdauı AQŞ Memlekettik departamentiniñ kelesi qadamdağı şeşim jasauında bastı röl oynaydı», – dedi.

AQŞ ükimetiniñ joğarı lauazım ökiliniñ biri Amerika Qwrama Ştattarınıñ jaqın arada QHDR-ğa qatañ ekonomikalıq jaza dayındap otırğanın ayttı. Oğan qosa äskeri qısım jasauğa da äzir ekendikterin bildirdi. Bwl Aq üy ökiliniñ aytısına qarağanda, qatañ ekonomikalıq jäne äskeri qısım Soltüstik Koreyanıñ yadrolıq bağdarlaması jäne ballistikalıq zımırandardı damıtu isine mümkindik beretin barlıq salalarğa bağıttalatındığın eskertti.

Kişi Buştıñ kezinde Soltüstik Koreya yadrolıq şarttı kelisimge kelip, yadrolıq qauipti elder qara tiziminen öşirilgen bolatın. Alayda, keyin yadrolıq qarudı damıtudı qayta qolğa aldı. Bwl retki Aq üy jasağalı otırğan qadamda Soltüstik Koreyanı yadrolıq qauipti el tizimine engizu de qarastırıladı. Aq üy ökilinen äskeri qısımdardıñ naqtı mazmwnın swrağan kezde ol: « Barlıq türdegi äskeri ärekettiñ tuıluı mümkin», – dedi.

Harris: «AQŞ Soltüstik Koreyada äskeri operaciyalardıñ köptegen türin iske qospaq. Kerek bolğan jağdayda küşti äskeri şabuıl, QHDR rejimine äser etetin boladı», – dedi. Äskeri operaciyalar naqtı josparı turalı swrağanda ol: « Oñtüstik-Soltüstik Koreya şekarası mañındağı AQŞ-Koreya birlesken qosını iske qosıladı. Alayda, halıq tığız ornalasqan Koreya astanası Seul olardıñ bastı nısanası boluı mümkin.

AQŞ Qarulı küşteri belsendilik tanıtqanımen,  ükimettiñ keybir lauazımdıları jäne senatorlar Tramptı sabırğa şaqırıp otır. Keşegi küni Aq üyde ötken qwpiya keñesine 100-ge juıq eñ joğarı şendiler qatıstı. Bwl Trampqa Soltüstik Koreya qateriniñ salmaqtılığın sezinuge mümkindik beredi. Sonday-aq, Soltüstik Koreya basşısın qamtığan taraptardıñ barğan sayın qalıpsız tartıp, qarsılıqqa beyim bola bastağanın tolıq tüsindiretini anıq.

Aq üyde ötken bir retki qwpiya otırıs, Qwrama Ştattıñ barlıq äskeri jäne ükimettik organdarın äbigerge saldı. Tramp ükimetke Soltüstik Koreyanıñ däl qazirgi jağdayın tolıqtay bağalauğa tapsırma berdi. Olardıñ qarauınşa Qıtay Soltüstik Koreyağa belgili därejede küş qoldanuğa tikeley qarsı emes. Alayda, olardı alañdatatını äskeri ärekettiñ nätijesi birneşe künde körine qalmaydı. Birneşe ayğa sozılğan qarulı qaqtığıs orın alsa, «tün wzarsa, tüs köbeyediniñ» ayağın qwşpaq.

The Qazaq Times