كەشە، سارسەنبىدە اقش قورعانىس دەپارتامەنتىنىڭ ازيا ىستەرى بويىنشا ەڭ جوعارى قولباسشىسى كونگرەس الدىندا سويلەگەن سوزىندە، كورەي تۇبەگىندەگى قارسىلىقتىڭ ۋشىعۋ جاعدايىن ديپلوماتيا ارقىلى شەشۋگە ۇمتىلۋ كەرەك ەكەنىن باسا ايتتى. ول تاعىدا: «ەگەر بەيبىت كەلىسىمدەر جۇزەگە اسپاسا سوعىس تۋىلاتىنى انىق. بىراق، بۇل سوعىس تۋىلماسىن، تۋىلسا، زاردابى وتە اۋىر بولادى!»، – دەپ ەسكەرتتى.
“The Wall Street Journal” باسىلىمىنىڭ حابارىنا قاراعاندا، اقش تىنىق مۇحيت باس شتابىنىڭ قولباسشىسى، ادميرال حارريس: «اقش جاق سولتۇستىك كورەيا باسشىسى كيم جوڭ ءۋننىڭ (كيم چەن ىن/ Kim Jong Un) اشىق قارسىلىق سوعىسقا كوشۋىن قالامايدى. امەريكادا باسىم ءوت كۇشى قۋاتى بولعانىمەن، سوعىس زاردابىنىڭ اۋىر بولاتىنى انىق. ءتىپتى، سوعىسقا باسقا الەمدىك دەرجاۆالاردا تارتىلۋى مۇمكىن»، – دەگەن پىكىرىن ءبىلدىردى.
وسىلايشا، اقش-تىڭ تىنىق مۇحيت مايدانىنداعى ەڭ جوعارى باسشىلارى كونگرەس الدىندا ەسكەرتۋ جاسادى. وسىدان بىرنەشە ساعات وتكەننەن كەيىن، اقش پرەزيدەنتى دونالد ترامپ بۇكىل سەناتورلاردى قامتىعان قۇپيا كەڭەستى باسقارىپ اشتى. قورعانىس جانە اقش مەملەكەتتىك دەپارتامەنتى، ەڭ جوعارى اسكەري باسشىلار مەن بارلاۋ اگەنتتەرى قاتىستى.
بۇل قۇپيا كەڭەستەن شىعا سالىسىمەن حارريس تە ءوز قولباسشىلىق شتابىندا تاعى ءبىر قۇپيا جينالىس وتكىزگەن. ونىڭ جينالىسىنا قاتىسقاندار اقش ارمياسىنىڭ لاۋازىمدىلارى مەن نەگىزگى شتاب قولباسشىلارى بولدى.
بۇل اقش-تىڭ كورەي تۇبەگى شيەلەنىسىنە قاراتا پارمەندى ارەكەتكە كوشكەنىن اڭعارتادى. كەمىندە، سوعىستى قارسى جاق باستاعان كۇننىڭ وزىندە قورعانىس شارالارىنا دايىندىعىنىڭ باستالعانى.
The Qazaq Times
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟