سولتۇستىك كورەيا زىمىران سىناعىن وتكىزدى. فوتو: NKCNA

سولتۇستىك كورەيانىڭ «ورتالىق جاڭالىقتار اگەنتتىگى» دەپ اتالاتىن رەسمي اقپارات كوزى دەمالىس كۇندەرى پيوڭياڭ (پحەنيان) الىس قاشىقتىققا اتىلاتىن قاناتتى زىمىراندارىن سىناقتان وتكىزگەنىن حابارلادى. بۇل ونسىز دا تىعىرىققا تىرەلگەن اقش-سولتۇستىك كورەيا قارىم-قاتىناسىن ءتىپتى دە ناشارلاي تۇسەتىنىنەن حابار بەرەدى.

سولتۇستىك كورەيا رەسمي اقپارات اگەنتتىگىنىڭ حابارىنا قاراعاندا، جەكسەنبىدەگى سىناق كەزىندە قاناتتى زىمىراندار 1500 شاقىرىم قاشىقتىققاعى نىساناعا ۇشىپ جەتە العان. زىمراندار سولتۇستىك كورەياعا تيەسىلى تەڭىز ايدىندارىنا قۇلاعانىنى ايتىلعان.

پيوڭياڭ رەسمي مالىمدەمەسىندە: «سولتۇستىك كورەيانىڭ زىمىران ءوندىرىسىنىڭ دامۋى ەلدىڭ قورعانىسىنا نەعۇرلىم سەنىمدىلىك سىيلايدى جانە قارسىلاستاردىڭ بىزگە قارسى جىتتىعۋىن توقتاتۋعا ءتيىمدى سەبەپ بولادى»، – دەلىنگەن. سولتۇستىك كورەيا اقش پەن وڭتۇستىك كورەيانىڭ بىرىككەن ارمياسىنىڭ كورەي تۇبەگى مەن وعان جاقىن تەڭىز ايدىندارىندا وتكىزەتىن اسكەري جاتتىعۋلارىن توقتاتۋدى قالايدى.

بۇعان قوسا ۇزاق ۋاقىت وقشاۋلانعان سولتۇستىك كورەيا ءوزىنىڭ وڭتۇستىك كورشىسى مەن اقش-تى وزىنە قارسى دۇشپاندىق ساياسات ۇستانىپ وتىر دەپ سانايدى.

ايتا كەتەيىك، اقش-تىڭ بۇرىنعى پرەزيدەنتى دونالد ترامپ سولتۇستىك كورەيانىڭ ليدەرى كيم جوڭ ۋنمەن بىرنەشە رەت كەزدەسىپ، كورەي تۇبەگىندەگى يادرولىق قارۋسىزداندىرۋ ماسەلەسىن تالقىلاعان. بىراق، كەلىسسوز تابىسقا جەتە المادى. 2019 جىلدان بەرى ەكى ەل قاتىناسى قايتادان داعدارىس كۇيىنە ءتۇستى.