فوتو: رۋسسكوە اگەنتستۆو نوۆوستەي.

كوكا-كولا كومپانياسى (Coca-Cola Co,. KO) جوعارى وكىلىنىڭ سەيسەنبى كۇنگى حابارىندا، كومپانيا قىزمەتكەرلەردىڭ 20 پايىز قىسقارتاتىنىن ايتتى. بۇل قادامى  ىرى سۋسىن ءوندىرۋشى كاسىپورىننىڭ ۇزاق مەرزىمدەگى شىعىنداردى تەجەۋ ءۇشىن جاساپ وتىرعان جوسپارلارىنىڭ ءبىر بولەگى بولىپ تابىلادى.

«The Wall Street Journal» باسىلىمىنىڭ ايتۋىنشا، كەلەسى اپتادا باس اتقارۋشى مۇحتار كەنت قىزمەتىن كومپانيا ارداگەرى جەيمس كۋينسي وتكەرىپ الادى. 20 پايىز قىزمەتكەر قىسقارتۋ جوسپارى اتقارىلسا كومپانيانىڭ 1200 قىزمەتكەرى جۇمىستان كەتپەك.

كومپانيانىڭ مالىمدەمەشىسىنىڭ ايتۋىنشا قىسقاراتىن قىزمەتكەرلەر اتلانتاداعى باس شتاب-پاتەردەگى 5500 قىزمەتكەردەن تارتىپ، الەمنىڭ ءار جەرىندەگى بولىمشەلەرگە دەيىن جۇرگىزىلەدى.

اتالعان كومپانيانىڭ 2015 جىلى جاريالاعان جوسپارىندا 1600 قىزمەتكەردى قىسقارتاتىن بولعان. بۇل 2019 جىلعا دەيىنگى 30 ملرد اقش دوللارى كولەمىندەگى شىعىندى تەجەۋ ءۇشىن دەپ كورسەتىلگەن. كەشە جاريا بولعان جوسپار بويىنشا الداعى جالداعى 8 ملرد امەريكا دوللارىن ۇنەمدەيتىنىن ايتىپ وتىر.

The Qazaq Times