«Coca cola» سۋسىنى جونىندەگى 15 قىزىقتى ماعلۇمات

«Coca cola» سۋسىنىن كەز كەلگەن جەردە كەزدەستىرۋگە بولادى. امەريكانىڭ بۇل برەندى بۇكىل دۇنيە جۇزىندە جوعارى سۇرانىسقا يە بولدى. «Coca cola»، جەر شارىنداعى ەكى جۇزدەن استام مەملەكەتتە ساتىلىپ، ءاربىر سەكۋند ىشىندە شامامەن 10 000 داناسى ادامدارمەن ىشىلەدى. ال ءسىز، «Coca cola» جونىندەگى كەلەسى ماعلۇماتتاردى بىلەسىز بە؟

1. العاش رەت «Coca cola» سۋسىنىن 1886 جىلى اتلانتاداعى فارماتسەۆت دجون پەمبەرتون ويلاپ تاپتى. بىراق سۋسىننىڭ اتى ونىڭ ايلاكەر بۋحگالتەرى فرەنك روبينسوننىڭ ارقاسىندا پايدا بولدى، سوعان قوسا ول «Coca cola-نىڭ» بىرەگەي لوگوتيپىن ويلاپ تاۋىپ ۇسىندى. بۇل لوگوتيپ ءتىپتى بۇگىنگى كۇنگە دەيىن پايدالانىلادى.

2. العاشقى كەزدەرى نارىقتا «Coca cola» جۇيكە جۇيەسىن تىنىشتاندىرىپ، شارشاۋدى باساتىن سۋسىن رەتىندە پايدا بولدى.

3. العاشقى كەزدەرى «Coca cola» قۇرامىندا كوكاين بولعان، بىراق نەبارى ءبىر ستاقاندا 9 ميلليگرامدى قۇرعان. 1905 جىلى كوكايندى سۋسىن قۇرامىنا قوسۋدى توقتاتتى.

4. بۇكىل جەر شارىندا ىشىلەتىن سۋسىندار اراسىندا (اۋىز سۋىنان باسقا) «Coca cola» ليتسەنزياسى مەن ساۋدا ماركاسىنا تيەسىلى سۋسىندار كورسەتكىشى 3% - دان اسادى. بۇل جەر شارىنداعى ەڭ كەڭ تاراعان تاۋار ءتۇرى.

5. دۇنيەجۇزىندە تەك ەكى مەملەكەتتە «Coca cola» سۋسىنى ساتىلمايدى، ولار: كۋبا جانە سولتۇستىك كورەيا.

6. كومپانيا بىرنەشە مىڭ سۋسىن ءتۇرىن شىعارادى. ەگەر دە ءسىز كۇنىنە سۋسىننىڭ ءبىر تۇرىنەن اۋىز ءتيىپ تۇرساڭىز وندا بارلىعىنىڭ ءدامىن تاتۋ ءۇشىن ءومىرىڭىزدىڭ 9 جىلى كەتەر. گازدالعان، ەنەرگەتيكالىق، سويا نەگىزىندە جاسالعان سۋسىنداردىڭ 3500-دەن استام ءتۇرى، 500-دەن استام تاۋار ماركاسى بار.

7. «Coca cola» برەندىنىڭ پايدا بولۋىنان بەرى شىعارىلعان سۋسىنداردى 8 ۋنتسيالى بوتەلكەلەرگە قۇيىپ (227مل), ءبىرىنىڭ ۇستىنە ءبىرىن قويىپ ءتۇزۋ سىزىق تۇرعىزساق، بۇل سىزىقتى جەردەن ايعا دەيىن جۇرگىزىپ، ءتىپتى ونى 2000 رەت قايتالاۋعا بولادى ەكەن.

8. «Coca cola» كومپانياسىنا جىلىنا 1 ملرد دوللاردان اسا قاراجات اكەلەتىن 20 شاقتى ماركا تيەسىلى.

9. «Coca cola» برەندىنىڭ قۇنى 184 850 000 000 دوللار. بۇل Metro, Pepsi, KFC برەندەرىنىڭ قوسىندىسىنىڭ قۇنىنان دا كوپ.

10. «Coca cola-عا» سەنسەك، بۇل اتاۋ دۇنيەجۇزىندە “OK” سوزىنەن كەيىنگى بارلىق ادام تۇسىنەتىن ەكىنشى ءسوز ەكەن.

11. «Coca cola-نى» ەڭ كوپ تۇتىناتىن مەكسيكا حالقى. ورتاشا ەسەپپەن جىلىنا ولار بۇل كومپانيانىڭ 745 سۋسىنىنىڭ ءتۇرىن تۇتىنادى، ال امەريكاندىقتار 401 سۋسىن ءتۇرىن پايدالانادى. بۇۇ ساناعى بويىنشا ورتا جاستاعى مەكسيكا تۇرعىنى جىلىنا 163 ليتر گازدالعان ءتاتتى سۋسىن تۇتىنادى. (سالىستىرما رەتىندە رەسەي تۇرعىنى – 30 ليتر ىشەدى).

12. پروموكۋپونداردى العاشقى بولىپ ويلاپ تاپقان «Coca cola» كومپانياسى. ساتۋ كورسەتكىشتەرىن كوتەرۋ ءۇشىن جانە ەشكىمگە بەلگىسىز سۋسىندى امەريكا شتاتتارى اراسىندا تەز تاراتۋ ءۇشىن، كومپانيا 1886 جىلى جانە 1914 جىلدار اراسىندا ساتىپ الىنعان ءاربىر 10-شى بوتەلكەنى تەگىن بەردى.

13. «Coca cola» جارناسامىنداعى ايگىلى سانتا كلاۋس. قىس ايلارىنداعى ساتىلىم كورسەتكىشتەرىن كوتەرۋ ماقساتىمەن كومپانيا 1920 جىلدان باستاپ يسا پايعامباردىڭ تۋعان كۇنىنە ارنالعان مەرەكەلەردە سانتا كلاۋس قاتىسۋىمەن جارنامالار جۇرگىزە باستادى.العاشقى كەزدەرى سانتا كلاۋستىڭ ءتۇرلى كەيىپتەرى بولعان. بىراق ولاردىڭ ەشبىرەۋى كەڭ تانىمال بولا المادى. تەك  1931 جىلى يلليۋستراتور حەددون ساندبلوم قىزىل پالتە كەگەن، تولىق، كوڭىلى كوتەرىڭكى، كۇلكىلى سانتا كلاۋستى بەينەلەدى. سول كەزدەن باستاپ جىلدا قىس مەرەكەلەرى وسى سانتا كلاۋس بەينەسى مەن «Coca cola» بەينەسى بارشا حالىقتىڭ ساناسىنا تىعىز ەنگەن.

14. 1985 جىلى «Coca cola» عارىشقا اتتانعان العاشقى الكوگولسىز سۋسىن بولدى. “Challenger” استروناۆتتارى «Coca cola-نى» وزدەرىمەن بىرگە عارىشقا الىپ، سالماقسىزدىقتا ءىشىپ كوردى.

15. «Coca cola» كومپانياسى، سۋسىندى پايدالانۋدىڭ ءمىنسىز تەمپەراتۋراسى (1,1-3,3C) دەپ ايتادى.

بوتاجان قابىلبەكوۆا

“The Qazaq Times”