كولۋمبيا پرەزيدەنتى نيكولاس مادۋرو. فوتو: تۇركيا تەلە-راديوسى.

ۆەنەسۋەلا پرەزيدەنتى شەكارالاس كولۋمبيا ۇكىمەتىن، سول ەلدەگى توڭكەرىستىك كۇشتەرمەن جاساسقان كەلىسىمىندەگى قۇپيالىقتاردى جاريا ەتەمىن دەپ قورقىتتى. بۇل تۋرالى تۇرىك تەلە-راديو سايتى حابارلايدى.

ۆەنەسۋەلا پرەزيدەنتى نيكولاس مادۋرو كولۋمبيا قازىرگى ۇكىمەتىنىڭ كولۋمبيا توڭكەرىستىك ۇيىمىمەن (FARC) جاساسقان بەيبىتشىلىك كەلىسىمىنە ەلدىڭ بۇرىنعى پرەزيدەنتى جانە ءوزىنىڭ دە قول قويعانىن اتاپ ايتتى. كورشىلەس ەلدىڭ ۇكىمەتىنە سول كەلىسىمدەگى بىرقاتار قۇپيالىقتى الەمگە جاريا ەتەمىن دەپ قورقىتتى.

مادۋرو كولۋمبيا ۇكىمەتىن FARC-پەن جاساسقان بەيبىتشىلىك كەلىسىمىن مازاق ەتىپ وتىر دەپ ايىپتادى. ول تاعى وسى كەلىسىمنىڭ مازمۇنىن جانە 10 جىلدان بەرى جاسىرىلىپ كەلگەن قۇپيالىقتارىن، قازىرگى كەزدە ۇيىم باسشىلارىنا قاستاندىق جاساۋ جوسپارىنىڭ جاسالىپ جاتقانىن جايىپ سالامىن دەدى.

كولۋمبيا اقپارات قۇرالدارىنىڭ ايتىسىنا قاراعاندا ەكى ەل بيلىگىنىڭ اراسىنداعى جانجال وتكەن جىلى كولۋمبيا بيلىگىنىڭ ۆەنەسۋەلاداعى توڭكەرىستى جازعىرۋىنان باستالعان. قازىر ەكى ەل اراسىندا ديپلوماتيالىق داعدارىس كۇشەيىپ، لاتىن-امەريكاسىنىڭ سولتۇستىگىندەگى ەلدەر اراسىنداعى ۇلكەن پروبلەمالاردىڭ بىرىنە اينالىپ تۇر.

The Qazaq Times