ۆەنەسۋەلا استاناسى كاراكاستا دارىگەرلەر جاپپاي ەرەۋىلگە شىقتى.

Reuters اگەنتتىگىنىڭ حابارلاۋىنشا، نارازى توپ بيلىكتەن ءدارى دارمەك الۋ ءۇشىن دەنساۋلىق سالاسىنا قارجى ءبولۋدى تالاپ ەتىپ وتىر. ازىق-تۇلىك پەن ءدارى-دارمەك تاپشىلىعىنان ناۋقاستارعا العاشقى كومەك كورسەتۋ قيىن. سالدارىنان قاراپايىم حالىق زارداپ شەگىپ وتىر.

قازىرگى ۋاقىتتا ەلدەگى ينفلياتسيا دەڭگەيى 815%-عا دەيىن جەتكەن. ەرەۋىلگە شىققانداردىڭ ءبىرى پابلو زامبرانو: «ۇكىمەت اسكەريلەردىڭ كيىمىنە قازىنادان  ارنايى 56 ملن دوللار بولمەك. ال ءبىز جەرگىلىكتى اۋرۋحانالارعا بار-جوعى 2 ملن دوللار جۇمساۋدى تالاپ ەتتىك. ويتكەنى دارىگەرلەر العاشقى كومەك تە كورسەتۋگە قاۋقارسىز. سەبەبى ءدارى-دارمەك جوق»، – دەيدى.

ايتا كەتەيىك، ۆەنەسۋەلادا ەكونوميكالىق داعدارىس ءالi كۇنگە دەيىن شەشىمiن تاپقان جوق. اقش پەن باسقا دا كوپتەگەن ەلدەر نيكولاس مادۋرونى مەملەكەتتىڭ زاڭدى باسشىسى دەپ سانامايدى. ەۋروپارلامەنت جانە وزگە دە مەملەكەتتەر وتكەن اپتادا ءوزىن پرەزيدەنت مىندەتىن اتقارۋشى دەپ جاريالاعان ۆەنەسۋەلا وپپوزيتسيالىق پارلامەنتىنىڭ كوشباسشىسى (ۇلتتىق اسسامبلەيا) حۋان گۋايدونى ەلدىڭ ليگيتيمدى باسشىسى رەتىندە تانىدى. ال رەسەي جانە قىتاي «ديكتاتور باسشى» اتانعان ماۋدروعا قولداۋ ءبىلدىردى.

"The Qazaq Times"