تارازدىق باقىتجان شىڭعىسبەكتىڭ 2003 جىلعى ورىمدەي جاس بالاسى قۋاتباەۆ نۇرسۇلتان باقىتجانۇلى  قاڭتار قىرعىنىندا كىسى قولىنان اتىلىپ قىرشىن كەتكەن. "بالامدى اتقانداردى تاۋىپ بەرىڭدەر" دەگەن اكەسىنە تاراز دۆد-سىنان قالىمبەتوۆ ناۋاتبەك سەرپەنوۆيچ دەگەن ەكسترەميزم تەرروريزم ءبولىمىنىڭ باستىعى ء"وزىڭدى وتىرعىزىپ قويامىن" دەپ قوقان-لوقى جاساعان.

ادىلدىك ىزدەپ جان ۇشىرعان تارازدىق 3 اتا-انامەن تىلدەستىك. ارىسى استانادان تارتىپ قۇزىرلى ورگانداردىڭ قانشاسىنا بارسادا ىستە وزگەرىس جوق. ولگەن بالالارىمىزدىڭ ۇستىنەن ءتۇرلى قىلمىستىق جاۋاپكەرشىلىكتى ءىلىپ جاتىر دەيدى، قايتىس بولعانداردىڭ جاقىندارى.

شىڭعىسبەكوۆتىڭ ايتۋىنشا 6 قاڭتاردا ناعاشى اپاسىنىڭ ۇيىنە بارۋعا شىققان نۇرسۇلتاندى اكەسى 9 قاڭتاردا تاراز قالالىق ءمايىتحانادان تاپقان. نۇرسۇلتاننىڭ جامباسىنان ەكى وق تيگەن. ارتىنشا جۇرەگىنەن قاداپ اتقان. تارازدا ادىلدىك جوق دەگەن باقىتجاننىڭ ايتۋىنشا ءمايتحانادا مۇردەدەن اياق باسار جەر جوق.  ول ەكى قىزدىڭ جانە باسقا ورىمدەي جاس بالالاردىڭ مۇردەسىن كورگەن. بارلىعى شەكەسىنەن، جۇرەگىنەن، قارىندارىنان اتىلعان.

بالاسىن اتقانداردى تاۋىپ جازالاپ بەرىڭدەر دەپ جۇرگەندە تەرگەۋشىلەر  تۇرمەدە جاتقان ءبىر بالانىڭ ارقاسىنان ىستىق سۋ قۇيىپ بالاسىنىڭ ۇستىنەن جالعان كۋالىك بەرگىزگەن.

ەستەرىڭىزگە سالا كەتسەك "قاندى قاڭتار" قىرعىنىندا پەزيدەنت توقاەۆتىڭ ەسكەرتۋسىز وق اتۋ بۇيىرىعىمەن رەسمي دەرەك بويىنشا 230 ادام وققا ۇشسا، 8 ادام اباقتىدا پوليتسەيلەردىڭ ازاپتاۋىنان قايتىس بولعان.