بۇگىنگى الەمدىك اقپاراتتا قىزۋ تالقىعا تۇسكەن شري-لانكاداعى جاپپاي نارازىلىق شاراسىنىڭ جەتىستىگى رەتىندە قارالىپ جاتقان ەل پرەزيدەنتى گوتابايا رادجاپاكسانىڭ قاشىپ كەتۋى بولدى. بۇل تۋرالى BBC news جازدى.
پرەزيدەنت رادجاپاكسا شري-لانكاداعى ەكونوميكالىق داعدارىسقا بايلانىستى جاپپاي نارازىلىقتار كەزىندە اسكەري ۇشاعىنا ءمىنىپ مالديۆ ارالدارىنا ايەلىمەن بىرگە قاشقان، مۇنى اسكەري-اۋە كۇشتەرىنىڭ شتاب-پاتەرى مەن پرەمەر-مينيستر كەڭسەسى راستاعان.
شري-لانكا - ءۇندىستاننىڭ وڭتۇستىگىندە ورنالاسقان ارال مەملەكەتى ، 1948 جىلى بريتانيا بيلىگىنەن تاۋەلسىزدىك الدى. 22 ميلليون حالقى بار. شري-لانكادا نارازىلىق جىل باسىنان بەرى جالعاسىپ، وسىدان 4 كۇن بۇرىن 9 شىلدەدە 10 مىڭداعان نارازىلار پرەزيدەنت رەزيدەنتسياسىن باسىپ العان بولاتىن. بۇعان جىلدار بويى سوزىلعان وتباسىلىق بيلىك جانە ەلدەگى ينفلياتسيا باستى سەبەپ بولدى. ەل ەكونوميكاسىن داعدارىسقا ۇشىراتقان بيلىكتىڭ كەتۋىن تالاپ ەتكەن نارازى جۇرت كوشەگە شىققان. تولىق اتاۋى شري-لانكا دەموكراتيالىق سوتسياليستىك رەسپۋبليكاسى ، استاناسى كولومبو قالاسى، وڭتۇستىك ازياداعى تسەيلون ارالىندا ورنالاسقان. ەلدىڭ نەگىزگى كىرىس كوزى تۋريزم بولعاندىقتان، ەل ۇكىمەتى ەكونوميكاسىنىڭ قۇلدىراۋىن ىندەتپەن بايلانىستىرادى.
رادجاپاكسا وتباسى شري-لانكا ساياساتىندا جيىرما جىل بويى ۇستەمدىك ەتتى جانە سينگال بۋدديستەرىنىڭ كوپشىلىگىنىڭ قولداۋىمەن گوتابايا 2019 جىلى پرەزيدەنت بولدى. ول 2009 جىلى «تاميل جولبارىسى» كوتەرىلىسشىلەرىنە قارسى داۋلى سوعىستاعى اسكەري وپەراتسيالاردى باسقارعان. پرەزيدەنت شري-لانكاداعى مەملەكەت، ۇكىمەت جانە اسكەر باسشىسى. سونداي-اق پارلامەنتتەگى بيلەۋشى پارتيانى باسقاراتىن پرەمەر-مينيسترمەن كوپتەگەن اتقارۋشى جاۋاپكەرشىلىكتەردى بولىسەدى.
كەلەسى پرەزيدەنتتىڭ كىم بولاتىنىن بولجاۋ قيىن. زاڭ بويىنشا ورنىن پرەمەر-مينيستر رانيل ۆيكرمەسينگحە اتقارۋى كەرەك. الايدا ول بۇرىنعى پرەزيدەنتتىڭ جاقتاسى بولعاندىقتان، حالىق ونى قولدامايدى. دۇيسەنبىدە وپپوزيتسيانىڭ نەگىزگى جەتەكشىسى سادجيت پرەماداسا بي-بي-سيگە پرەزيدەنتتىك سايلاۋعا تۇسەتىنى تۋرالى ايتقان. حالىقتىڭ ساياساتكەرلەرگە سەنىمى از بولعاندىقتان ەلدى الداعى كۇندەردە كىمنىڭ باسقاراتىنى بەلگىسىز.
وسىعان ۇقساس جاعداي جىل باسىندا ءبىزدىڭ ەلدە دە بولعان. الايدا "ەسكەرتۋسىز وق اتۋعا" بۇيرىق بەرگەن ەل پرەزيدەنتى توقاەۆ ءبىر الماتىنىڭ وزىندە 20 مىڭ تەرروريست بولدى دەگەن بولاتىن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟