فوتو: zhaikpress.kz

مەكتەپ وقۋشىلارىنىڭ جازعى دەمالىسىنىڭ ءبىر ايى وتە شىقتى، قىركۇيەك جاقىنداعان سايىن اتا-انالاردىڭ ۋايىمى كوبەيە باستايدى. اسىرەسە كوپ بالالى جانە جاعدايى تومەن وتباسىلارعا بالانى باسىنان باقايشىعىنا دەيىن كيىندىرتىپ جىبەرۋ اجەپتاۋىر قارجىنى تالاپ ەتەدى. بازارداعى شارىقتاپ تۇرعان باعانى ايتپاساق تا، بارشاعا ايان.

كۇندىككە جۇمىس ىستەپ، قارىندارىن زورعا تويعىزىپ جۇرگەن قاراپايىم ەل قانشاما؟ ولاردىڭ بالالارىن مەكتەپ قۇرالدارىن تۇگەندەپ بەرۋى ءۇشىن قانشا اقشا كەتەدى؟ قازىرگى ۋاقىتتا كاسپي رەدپەن تاماعىن الىپ جۇرگەن تۇلكى قۇرساق جۇرت تاعى دا كاسپيپگە قارىزدانا ما؟

ول جاعىنان قارىز قامىتىن ىلگەن ۇستىنە ىلە بەرۋ اتا-اناعا سالماق. وسىنداي اتا-انالاردى قولداۋ ماقساتىندا مەكتەپكە جول جوباسى سياقتى رەسپۋبليكالىق قايىرىمدىلىق ءىس-شارالارى قاجەت-اق.

ماۋسىم ايىنىڭ سوڭىندا اتا-انالاردىڭ چاتىنا "مەكتەپكە جول "اكتسياسىنىڭ تالاپتارىنا ساي كەلەتىن بالالارعا اياق كيىم مەن مەكتەپ فورماسى بەرىلەتىنىن حابارلاۋدا. بۇل اكتسيامەن قايىرىمدىلىق جاسالعانىنا 15 جىل بولدى.

جاڭا وقۋ جىلىنا دايىندىق ۋاقىتىندا از قامتاماسىز ەتىلگەن جانە كوپبالالى وتباسىلاردان شىققان وقۋشىلارعا قولداۋ كورسەتۋ; بالانىڭ الەۋمەتتىك سەبەپتەرمەن مەكتەپكە كەلمەي قالۋىنىڭ الدىن الۋ; جەتىم بالالارعا، اتا – اناسىنىڭ قامقورلىعىنسىز قالعان بالالارعا، كوپ بالالى، تۇرمىس جاعدايى تومەن وتباسىلارىنا ناقتى كومەك كورسەتۋ اكتسيانىڭ ماقساتى. بۇل كومەكتەسۋگە بەرىلەتىن زاتتاردى ايعايلاتىپ، ۇرانداتپاي بەرگەنى جاقسى بولار ەدى، سەبەبى كومەكتى الىپ تۇرعان بالا باسقا بالالاردىڭ الدىندا ءوزىنىڭ جاعدايى تومەن وتباسىدىدان شىققانىن جاريالاعىسى كەلمەيدى. كەي بالا اتا-اناسىنىڭ وتىنىشىمەن امالسىزدان الادى. كەيدە قايىرىمدىلىقپەن كەلگەن زاتتاردىڭ ساپاسى سىن كوتەرمەيدى، اياق كيىمدەرى كيۋگە جاراماي، مەكتەپ فورمالارىنىڭ رازمەرى دۇرىس كەلمەيدى نەمەسە ساپاسىز تىگىلگەن بولىپ شىعادى. وسىنداي ولقىلىقتاردى جىبەرۋگە نە سەبەپ؟ تاعى دا جەمقورلىق نەمەسە نەمقۇرايدىلىق پا؟ سىي قىلساڭ سىپىرا قىل دەمەۋشى مە ەدى قازاق، وڭ قولىم بەرگەندى سول قولىم بىلمەسىن دەگەن قاعيدانى ەسكەرىپ، جاريا تۇردە ەمەس، جاسىرىن بەرگەنى قۇبا-قۇپ بولار ەدى.

ءنۇرباتيما بايتۇرسىن

الماتى وبلسى، تالعار اۋدانى