ساۋد ارابياسىنىڭ ەنەرگەتيكا ءمينيسترى حاليد ءال-فاليد (Khalid al-Falid) بۇگىن تۇستەن بۇرىن مۇناي ەكسپورتتاۋشى ەلدەردىڭ وداعىن (مەەو/وپەك) كەڭەيتۋدىڭ اسا قاجەتتى ەكەنىن مالىمدەدى. ال-فاليد سوزىندە: «وپەك-كە مۇشە ەلدەر مەن ۇيىمنان تىس شيكى مۇناي ءوندىرۋشى ەلدەر دە مۇناي ءونىمىن ۋاقىتشا قىسقارتۋ كەلىسىمىنە قول قويۋى كەرەك، بىراق ۇزاق مەرزىمگە ەمەس، ياعني التى اي كولەمىندە شەكتەۋگە تۋرا كەلەدى»، – دەگەن پىكىرىن ءبىلدىردى.
حالىقارالىق ەنەرگەتيكا ونەركاسىپ كونفەرەنتسياسىندا ءال-فاليد: «ءبىز بۇل شارتقا قول قويۋعا الدە قاشان كەلىسىم بەردىك. بىراق ۇيىمعا مۇشە وزگە ەلدەردىڭ مينيسترلەرى قول قويماي وتىر»، – دەدى. ساۋد ارابيا تارابىنىڭ العا تارتاتىنى – وتكەن جىلعى قاراشا ايىنداعى كەلىسىم – شيكى مۇناي قورىن بەس جىلداعى ورتاشا دەڭگەيگە دەيىن تومەندەتۋ بولىپ وتىر. الايدا، ۇيىمعا مۇشە وزگە ەلدەر ءالى كەلىسىمگە قول قويماعان.
ساۋد ارابيانىڭ قولداۋىمەن 13 ەلدىڭ مۇشەلىگىندەگى وپەك-ءنىڭ 25 مامىردا ۆەنادا وتەتىن كەلەسى وتىرىسىنىڭ باستى تاقىرىبى دا وسى ماسەلە بولعالى وتىر. رەسمي اقپارات كوزدەرىنىڭ حابارىنا قاراعاندا، ساۋد ارابياسى وپەك مۇشەلەرىنە مامىر ايىنداعى كەلەسى وتىرىسقا دەيىن ءونىمدى قىسقارتۋ مەرزىمىن التى ايعا دەيىن ۇزارتۋعا قول قويۋىن تالاپ ەتكەن.
The Qazaq Times
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى