رەسەي ەلگە كىرگەن شەتەل ازاماتتارىنا باقىلاۋدى كۇشەيتەتىن زاڭدى رەسمي اتقارا باستادى. 29 جەلتوقساننان باستاپ كۇشىنە ەنگەن جاڭا زاڭعا سايكەس رەسەيگە كىرگەن شەتەلدىك 30 كۇن ىشىندە مەديتسينالىق تەكسەرۋدەن وتۋگە جانە جەكە ساۋساق ىزدەرىن تىركەۋگە مىندەتتى.

رەسەيدەگى مۇنداي جاڭا ەرەجەلەر تۋرالى وزگە ەلدەردىڭ سىرتقى ىستەر مينيسترلىكتەرى دە رەسمي حابارلاما تاراتىپ جاتىر. الايدا، قازاقستان ءسىم رەسمي سايتىندا بۇنداي اقپارات ازىرگە بەرىلمەدى.

جاڭا ەرەجە شەتەل ازاماتىنان رەسەيگە كىرگەن ءار رەتىندە مەديتسينالىق تەكسەرىستەن ءوتۋدى مىندەتتەيدى، ال ساۋساق ىزدەرىن ءبىر-اق رەت تىركەيدى. بۇل ەرەجەگە ەڭ الدىمەن ەلدەگى ساۋدا ۇيىمدارى نارازىلىق ءبىلدىردى. ايتالىق، رەسەي-گەرمانيا ساۋدا پالاتاسى اشىق نارازىلىعىن ءبىلدىردى.

بۇعان دەيىن اقش-تىڭ رەسەيدەگى ەلشىسى جەيسون روبحولتستا اتالمىش جاڭا زاڭنىڭ «گسەنوفوبيالىق» سيپاتى بار ءارى رەسەيدەگى شەتەلدىكتەردىڭ ءومىرىن قيىنداتادى دەپ سىناعانى بار.

مىندەتتى مەديتسينالىق تەكسەرۋدەن وتكىزەتىن ستاندارتتى ورتالىقتار رەسەيدىڭ كەيبىر الىس ايماقتارىندا جوقتىڭ قاسى. رەسەيدىڭ جالپى جاعدايى جانە ساۋدا بايلانىس شارتتارىنان الىپ قاراعاندا اتالمىش ەرەجە رەسەيگە باراتىن جانە وندا تۇرىپ جاتقان شەتەلدىكتەر ءۇشىن ۇلكەن قولايسىزدىقتار جاراتادى.

ال، باستاپتا رەسەي پرەزيدەنتى ۆلاديمير پۋتين اتالمىش زاڭدى ەلدىڭ ەپيدەميا كەزىندەگى قاۋىپسىزدىگىنە بايلانىستى قابىل العانىن ايتقان.

سوڭعى ۋاقىتتا كرەملدىڭ ساياساتى اۆتوريتاريزمنەن توتالتاريزمگە بەت الىپ بارا جاتىر دەپ ءجيى سىنعا الىنۋدا.

The Qazaq Times